ശാസ്താംകോട്ട. നെഹ്റു യുവ കേന്ദ്ര കൊല്ലവും , എൻ .എസ്.എസ് യൂണിറ്റ് കുമ്പളത്ത് ശങ്കുപിള്ള മെമോറിയൽ ദേവസ്വം ബോർഡ് കോളേജ്, സംയുക്തമായി യുവസംവാദ് -2023 സംഘടിപ്പിച്ചു. ഇന്ത്യ @ 2047, പഞ്ച പ്രാൺ ഓഫ് അമ്യത് കാൽ എന്നീ ആശയങ്ങളുടെ വിശദീകരണവും ചർച്ചയുമാണ് പരിപാടിയിൽ സംഘടിപ്പിച്ചത്.
നെഹ്റു യുവ കേന്ദ്ര ജില്ലാ യൂത്ത് ഓഫീസർ സന്ദീപ് കൃഷ്ണൻ പി അധ്യക്ഷനായ ദേവസ്വം ബോർഡ് കോളേജ് പ്രിൻസിപ്പൽ ഡോ. കെ. സി. പ്രകാശ് ഉത്ഘാടനം ചെയ്തു. കേരള യൂണിവേഴ്സിറ്റി എൻ. എസ് എസ് . കൊല്ലം ജില്ലാ പ്രോഗ്രാം ഓഫീസർ ഡോ. ജി. ഗോപകുമാർ മുഖ്യ പ്രഭാഷണവും , ദേവസ്വം ബോർഡ് കോളേജ് എൻ. എസ്.എസ് പ്രോഗ്രാം ഓഫീസർ ഡോ. അരുൺ ഷനോജ് ഡി എസ് സ്വാഗതവും , സ്മിത ആർ കൃതജ്ഞതയും രേഖപ്പെടുത്തി.ഇന്ത്യ@2047 ആശയ വിശദീകരണവും സംവാദവും മാസ്റ്റർ ട്രെയിനർ വസന്ത് കൃഷ്ണൻ നയിച്ചു. എൻ. എസ് .എസ് വോളണ്ടിയേഴ്സ് അവരുടെ ആശയങ്ങൾ പരിപാടിയിൽ അവതരിപ്പിച്ചു.
