Advertisement
കുണ്ടറ: ഇളമ്പള്ളൂരില്‍ 20ന് തുടങ്ങുന്ന ജില്ലാ സ്‌കൂള്‍ കലോത്സവത്തിന് 12 ഉപജില്ലകളില്‍ നിന്ന് ഒന്നാം സ്ഥാനം നേടിയ 4,000 കലാപ്രതിഭകളാണ് മാറ്റുരയ്ക്കാന്‍ പോകുന്നത്. യുപി, ഹൈസ്‌കൂള്‍, ഹയര്‍ സെക്കന്‍ഡറി വിഭാഗങ്ങളിലാണ് മത്സരം. 20ന് രചനാമത്സരം. കലോത്സവത്തിന്റെ ഉദ്ഘാടനം 21ന്. ഇളമ്പള്ളൂര്‍, കുണ്ടറ, പെരുമ്പുഴ, കേരളപുരം, കാഞ്ഞിരകോട് എന്നിവിടങ്ങളില്‍ 13 വേദികളിലാണ് മത്സരം.
ഉപജില്ലാ കലോത്സവങ്ങള്‍ പൂര്‍ത്തിയായെങ്കിലും അപ്പീല്‍ കൂടി പരിഗണിച്ച ശേഷമേ ജില്ലാ കലോത്സവത്തിന് റജിസ്‌ട്രേഷന്‍ നടത്താന്‍ കഴിയുകയുള്ളു. നാളെ അപ്പീലുകളില്‍ തീര്‍പ്പു കല്‍പിച്ചെങ്കില്‍ മാത്രമേ 19ന് റജിസ്‌ട്രേഷന്‍ നടത്തി 20ന് മത്സരം തുടങ്ങാനാകൂ.
Advertisement
