കൊല്ലം .പ്രായപൂര്‍ത്തിയാകാത്ത ആണ്‍കുട്ടിയോട് ലൈംഗികാതിക്രമം നടത്തിയ യുവാവിനെ പോക്സോ നിയമ പ്രകാരം അറസ്റ്റ് ചെയ്യ്തു. പരവൂര്‍, നെടുങ്ങോലം കിഴക്കേവീട്ടില്‍ പ്രമോദ്(38) ആണ് പരവൂര്‍ പോലീസിന്‍റെ പിടിയിലായത്. ഓട്ടോറിക്ഷാ ഡ്രൈവറായ പ്രതി ജൂലൈ മാസം ഇയാളുടെ ഓട്ടോറിക്ഷയില്‍ കയറിയ പ്രായപൂര്‍ത്തിയാകാത്ത ആണ്‍കുട്ടിയുമായി പരിചയപ്പെടുകയും അശ്ലീല ദൃശ്യങ്ങള്‍ നിര്‍ബന്ധിച്ച് മൊബൈല്‍ ഫോണില്‍ കാണിക്കുകയും ചെയ്യ്തു.
ഈ പരിചയം മുതലെടുത്ത പ്രതി കുറച്ച് ദിവസങ്ങള്‍ക്ക് ശേഷം കുട്ടിയുടെ വീട്ടിലെത്തി മറ്റുള്ളവരുടെ ശ്രദ്ധ എത്താത്ത സമയം നോക്കി അശ്ലീല ദൃശ്യങ്ങള്‍ കാണാന്‍ പ്രേരിപ്പിക്കുകയും അശ്ലീല കാര്യങ്ങള്‍ പറയുകയും ചെയ്യ്തു. തുടര്‍ന്ന് കുട്ടിയുടെ സ്വകാര്യ ഭാഗങ്ങളില്‍ സ്പര്‍ശിക്കുകയും ലൈംഗികമായി പീഡിപ്പിക്കാന്‍ ശ്രമിക്കുകയും ചെയ്യ്തു. പിന്നീടും പലപ്പോഴും ഇയാളുടെ ശല്യം തുടര്‍ന്ന് വന്നതോടെയാണ് കുട്ടി വിവരം രക്ഷകര്‍ത്താക്കളെ അറിയിച്ചത്. കുട്ടിയുടെ പരാതിയില്‍ പോക്സോ നിയമപ്രകാരം കേസ് രജിസ്റ്റര്‍ ചെയ്യ്ത് അന്വേഷണം നടത്തിയ പരവൂര്‍ പോലീസ് യുവാവിനെ അറസ്റ്റ് ചെയ്യുകയായിരുന്നു. പരവൂര്‍ പോലീസ് ഇന്‍സ്പെക്ടര്‍ നിസാറിന്‍റെ നേതൃത്വത്തില്‍ എസ്.ഐ മാരായ സുജിത്ത്, വിജയകുമാര്‍, പ്രദീപ്, എസ്.സി.പി.ഓ ജിബു എന്നിവരടങ്ങിയ സംഘമാണ് പ്രതിയെ പിടികൂടിയത്.
