Advertisement
ഓയൂരില്‍ ആറുവയസുകാരിയെ തട്ടികൊണ്ട് പോയ കേസില്‍ ജയിലില്‍ കഴിയുന്ന പത്മകുമാറിന്റെ ഫാം ഹൗസില്‍ ജോലി ചെയ്തിരുന്ന ഷീജയുടെ ഭര്‍ത്താവ് ഷാജിയെ ഒഴുകുപാറ കനാലിന് സമീപം വച്ച് ആക്രമിച്ച കേസിലെ പ്രതികളെ പരവൂര്‍ പോലീസ് അറസ്റ്റ് ചെയ്തു.
ഷാജിയുടെ പരാതിയുടെ അടിസ്ഥാനത്തില്‍ നടത്തിയ അന്വേഷണത്തിലാണ് അറസ്റ്റ്. കാരംകോട് ചരുവിള പുത്തന്‍വീട്ടില്‍ അനന്ദു വിക്രമന്‍ (31), ഏറം താന്നിവിള വീട്ടില്‍ സജീവ് (39), കാരംകോട് കല്ലുവിളവീട്ടില്‍ അജിന്‍ (30), കാരംകോട് സനൂജ് മന്‍സിലില്‍ സായ്പ്പ് എന്ന് വിളിക്കുന്ന സനൂജ് (31) എന്നിവരാണ് പിടിയിലായത്. നിരവധി ക്രിമിനല്‍ കേസുകളില്‍ പ്രതികളായ ഇവരെ പോലീസ് ചോദ്യം ചെയ്തു വരികയാണ്.
Advertisement
