Advertisement
കരുനാഗപ്പള്ളി. കരുനാഗപ്പള്ളി ലയൻസ് ക്ലബ്ബും പുത്തൂർ ശ്രീനാരായണ ആയുർവേദ മെഡിക്കൽ കോളേജും സംയുക്തമായി സംഘടിപ്പിക്കുന്ന സൗജന്യ ആയുർവേദ മെഡിക്കൽ ക്യാമ്പ് ശനിയാഴ്ച നടക്കുമെന്ന് സംഘാടകർ അറിയിച്ചു. രാവിലെ 8 മുതൽ ഉച്ചയ്ക്ക് ഒരു മണി വരെ കരുനാഗപ്പള്ളി ലോഡ്സ് പബ്ലിക് സ്കൂളിന് സമീപമുള്ള ലയൺസ് ഹാളിലാണ് ക്യാമ്പ് നടക്കുക. വിവിധ സ്പെഷ്യാലിറ്റികളിലായി 20 ൽ പരം വിദഗ്ധ സ്പെഷ്യലിസ്റ്റ് ഡോക്ടർമാരുടെ സംഘം മെഡിക്കൽ ക്യാമ്പിന് നേതൃത്വം നൽകും. സ്ത്രീകൾ, കുട്ടികൾ, മുതിർന്ന പൗരന്മാർ, ശാരീരിക വൈഷമ്യമുള്ളവർ തുടങ്ങിയ വിഭാഗങ്ങൾക്ക് പ്രത്യേക പരിഗണനയും ലഭ്യമാക്കും. ക്യാമ്പിൽ സൗജന്യമായി മരുന്നും വിതരണം ചെയ്യും.
Advertisement
