Advertisement
കൊല്ലം: വയോധികനെ കൊലപ്പെടുത്താന്‍ ശ്രമിച്ച കേസിലെ പ്രതി പോലീസ് പിടിയിലായി. മുക്കാട്, വിളയില്‍ വീട്ടില്‍ സാന്‍ജോ ക്ലീറ്റസ് (50) ആണ് ശക്തികുളങ്ങര പോലീസിന്റെ പിടിയിലായത്. കഴിഞ്ഞ തിങ്കളാഴ്ച വൈകിട്ട് 5 മണിയോട് കൂടി സാന്‍ജോ ക്ലീറ്റസും ഇയാളുടെ ഭാര്യയുമായുണ്ടായ വാക്ക്തര്‍ക്കത്തില്‍ ഭാര്യാ പിതാവായ സ്റ്റീഫന്‍ ഇടപ്പെട്ടു. ഇത് ഇഷ്ടപ്പെടാതിരുന്ന പ്രതി സ്റ്റീഫനെ ക്രൂരമായി മര്‍ദ്ദിച്ച് അവശനാക്കുകയായിരുന്നു.
മര്‍ദ്ദനത്തില്‍ നിലത്തുവീണ സ്റ്റീഫന്റെ ജനനേന്ദ്രിയത്തില്‍ ഉള്‍പ്പടെ ഇയാള്‍ മര്‍ദ്ദിക്കുകയും കൊല്ലുമെന്ന് ഭീഷണിപ്പെടുത്തുകയും ചെയ്തു. വയോധികനായ സ്റ്റീഫന്‍ പോലീസില്‍ നല്‍കിയ പരാതിയുടെ അടിസ്ഥാനത്തില്‍ കേസ് രജിസ്റ്റര്‍ ചെയ്ത് പ്രതിയെ പിടികൂടുകയായിരുന്നു. പത്തനംതിട്ട എ.ആര്‍ ക്യാമ്പിലെ ഗ്രേഡ് എസ്‌ഐ ആണ് പ്രതി.
Advertisement
