ശാസ്താംകോട്ട:പ്ലാമൂട്ടിൽ ചന്ത സ്നേഹ ഹസ്തം സൗഹ്യദ കൂട്ടായ്മയുടെ വാർഷികം സ്നേഹവർഷം 25,26 തീയതികളിൽ നടക്കും.നിർധന കുടുംബത്തിലെ പെൺകുട്ടിയുടെ വിവാഹവും ചടങ്ങിന്റെ ഭാഗമായി നടക്കും.തിങ്കളാഴ്ച വൈകിട്ട് 5.30ന് നടക്കുന്ന വനിതാ സമ്മേളനം ജില്ലാ പഞ്ചായത്തംഗം പി.ശ്യാമളയമ്മ ഉദ്ഘാടനം ചെയ്യും.സബ് ഇൻസ്പെക്ടർ ഐ.വി ആശമ മുഖ്യാതിഥിയാവും.ചൊവ്വാഴ്ച
രാവിലെ 10ന് പൊതുസമ്മേളനം കൊടിക്കുന്നിൽ സുരേഷ്. എംപി ഉദ്ഘാടനം ചെയ്യും.ചികിത്സാ സഹായവിതരണം കോവൂർ കുഞ്ഞുമോൻ എംഎൽഎ നിർവഹിക്കും.നിയുക്ത മന്ത്രി
കെ.ബി ഗണേഷ് കുമാർ, ട്രാൻസ്പോർട്ട് കമ്മീഷണർ എസ്.ശ്രീജിത്ത്,സിനിമാ താരങ്ങളായ ബിനീഷ് ബാസ്റ്റിൻ,കോട്ടയം സോമരാജൻ തുടങ്ങിയവർ അതിഥികളായി പങ്കെടുക്കും.തുടർന്ന് ഉച്ചയ്ക്ക് 12ന് എഴുകോൺ സ്വദേശിനിയായ നിർധന കുടുംബത്തിലെ പെൺകുട്ടിയുടെ വിവാഹ ചടങ്ങ് നടക്കും.രാഷ്ടീയ,സാമൂഹിക,സാംസ്ക്കാരിക രംഗത്തെ പ്രമുഖർ പങ്കെടുക്കുമെന്ന് ഭാരവാഹികളായ അഖിൽ നാഥ് ഐക്കര,ബിജു ചിത്രാംബരി എന്നിവർ അറിയിച്ചു.
