കൊല്ലം: ശങ്കരമംഗലം ഭാഗത്ത് നിന്ന് ബൈക്ക് മോഷ്ടിച്ച് കറങ്ങിയ പ്രതികള്‍ ചവറ പോലീസിന്റെ പിടിയിലായി. മരുത്തടി, കന്നിമേല്‍ ചേരി. തേവര് പറമ്പില്‍ അനന്തകൃഷ്ണന്‍ (24), ചവറ, പന്മന, ശങ്കുതറ കിഴക്കതില്‍, ലിബിന്‍ (28) എന്നിവരാണ് ചവറ പോലീസിന്റെ പിടിയിലായത്. ജോലിക്ക് പോകുന്നതിനായി ഉല്ലാസ് എന്നയാള്‍ ശങ്കരമംഗലം ഭാഗത്ത് പാര്‍ക്ക് ചെയ്തിരുന്ന ബൈക്കാണ് പ്രതികള്‍ മോഷ്ടിച്ചെടുത്തത്.
ഈ ബൈക്കുമായി പ്രതികള്‍ ചവറ ബസ് സ്റ്റാന്റിന് സമീപത്ത് നില്‍ക്കുന്നത് ശ്രദ്ധയില്‍പ്പെട്ട പോലീസ് സംഘത്തിന് സംശയം തോന്നുകയും പോലീസ് സംഘത്തെ കണ്ട് കടന്നുകളയാന്‍ ശ്രമിച്ച സമയം ഇവരെ തടഞ്ഞു നിര്‍ത്തുകയായിരുന്നു. തുടര്‍ന്ന് ഇവരെ ചോദ്യം ചെയ്ത് നടത്തിയ അന്വേഷണത്തിലാണ് ഉല്ലാസിന്റെ വാഹനം മോഷ്ടിച്ചെടുത്ത് കടന്നു കളഞ്ഞതാണെന്ന് മനസ്സിലാകുന്നത്.
അനന്തകൃഷ്ണന്‍ നിരവധി മോഷണ കേസുകളിലും ലിബിന്‍ നിരവധി ക്രിമിനല്‍ കേസുക
ളിലും പ്രതിയായിട്ടുള്ളവരാണ്. ചവറ പോലീസ് ഇന്‍സ്‌പെക്ടര്‍ ബിജുവിന്റെ നേതൃത്വത്തില്‍ എസ്‌ഐ മഥനന്‍, എസ്.സിപിഒ അനില്‍, സിപിഒ രതീഷ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതികളെ റിമാന്റ് ചെയ്തു.
