Advertisement
ചാത്തന്നൂര്‍: വഴി യാത്രക്കാരനെ ഇടിച്ചു തെറിപ്പിച്ച വാഹനം നിര്‍ത്താതെ പോയി. അപകടത്തില്‍ ഗുരുതരമായി പരിക്കേറ്റ് റോഡില്‍ കിടന്ന ഇദ്ദേഹത്തെ പിന്നീട് പാരിപ്പള്ളി ഗവ. മെഡിക്കല്‍ കോളേജിലും പിന്നീട് തിരുവനന്തപുരം മെഡിക്കല്‍ കോളേജിലും പ്രവേശിപ്പിച്ചു. ദേശീയ പാതയില്‍ ചാത്തന്നൂര്‍ കാരംകോട് സ്പിന്നിംഗ് മില്ലിന് സമീപമാണ് അപകടമുണ്ടായത്. ചോര വാര്‍ന്നു കിടന്ന ഇദ്ദേഹത്തെ ദേശീയ പാതയിലെ കരാറുകാരുടെ സുരക്ഷാ ജീവനക്കാരാണ് രാവിലെ കണ്ടത്. ഉടന്‍ പോലീസിനെയും വിവരം അറിയിക്കുകയായിരുന്നു. പോലീസെത്തിയാണ് ഇദ്ദേഹത്തെ ആശുപത്രിയിലാക്കിയത്.
തലയ്ക്ക് ഗുരുതരമായി പരിക്കേറ്റ ആളിനെ തിരിച്ചറിഞ്ഞിട്ടില്ല. അജ്ഞാതനെ ഇടിച്ചു തെറിപ്പിച്ചിട്ട് നിര്‍ത്താതെ പോയ ബൈക്ക് രാവിലെ ഒമ്പതരയോടെ ചാത്തന്നൂര്‍ പോലീസ് കസ്റ്റഡിയിലെടുത്തു മേല്‍നടപടികള്‍ സ്വീകരിച്ചു.
Advertisement
