ശാസ്താംകോട്ട: ഓരോ ജീവനും വിലപ്പെട്ടതാ ണെന്ന് തെളിയിക്കുന്നു ശാസ്താംകോട്ട അഗ്നി രക്ഷാ നിലയം. ഏഴാംമൈയിൽ, കോട്ടപ്പുറത്തു ഷാജി എന്നയാളുടെ വീടിനു മുന്നിലുള്ള കിണറ്റിൽ കൊക്ക് വീണു എന്ന കോൾ വന്നത്. വിലപ്പെട്ട ഒരു ജീവനാണന്ന് മനസ്സിലാക്കിയ അഗ്നിരക്ഷാസേന സംഭവസ്ഥലത്ത് എത്തുകയും, ഏകദേശം 30 അടിയോളം താഴ്ചയുള്ള കിണറ്റിൽ റെസ്ക്യൂനെറ്റിന്റെയും റോപ്പിന്റയും സഹായത്തോടെ നിമിഷങ്ങൾക്കകം കൊക്കിനെ കരയിൽ എത്തിച്ചു. മരണത്തോട് അടുത്ത, കൊക്കിനെ ചൂടുകൊടുത്തും, വെള്ളം തുടച്ചു കളഞ്ഞു പുതുജീവൻ തിരിച്ചു നൽകി.അസ്സി. സ്റ്റേഷൻ ഓഫീസർ ജോസിന്റെ നേതൃത്വത്തിൽ ഫയർ ആൻഡ് റെസ്ക്യൂ ഓഫീസർമാരായ ഷിനു, രതീഷ്,രാജേഷ് ഫയർ ആൻഡ് റെസ്ക്യൂ ഡ്രൈവറായ ഷാനവാസ് ഹോം ഗാർഡ് സുന്ദരൻ എന്നിവരാണ് രക്ഷാപ്രവർത്തനം നടത്തിയത്. കൺ മുൻപിൽ മരണപ്പെട്ടേക്കാവുന്ന ഒരു പക്ഷിയുടെ ജീവൻ തിരികെ നൽകിയതിന്റെ ആഹ്ലാദത്തിൽ ആയിരുന്നു അഗ്നിരക്ഷാ അംഗങ്ങൾ
