Advertisement
കൊല്ലം: വിവിധ കുറ്റകൃത്യങ്ങളിലേര്‍പ്പെട്ട ശേഷം ഒളിവില്‍ കഴിയുകയായിരുന്ന നിരവധി പ്രതികള്‍ കൊല്ലം സിറ്റി പോലീസ് നടത്തിയ സ്‌പെഷ്യല്‍ ഡ്രൈവില്‍ പിടിയിലായി. പിടിയിലായവരില്‍ കൂടുതലും ജാമ്യം ലഭിച്ച ശേഷം കോടതിയില്‍ ഹാജരാകാതെ
ദീര്‍ഘകാലം ഒളിവില്‍ കഴിഞ്ഞവരാണ്.
ജില്ലാ പോലീസ് മേധാവി വിവേക് കുമാറിന്റെ നേതൃത്വത്തില്‍ കൊല്ലം സിറ്റിയില്‍ ശനിയാഴ്ച നടത്തിയ സ്‌പെഷ്യല്‍ ഡ്രൈവില്‍ ഒളിവില്‍ കഴിഞ്ഞിരുന്ന ഇരുപത്തിയൊന്നോളം പ്രതികള്‍ പോലീസ് പിടിയിലായി. 1998ല്‍ രജിസ്റ്റര്‍ ചെയ്ത അബ്ക്കാരി കേസിലെ പ്രതി മുതല്‍ കൊലപാതക കേസില്‍ ഉള്‍പ്പെട്ട പ്രതിവരെ ഇതില്‍ ഉള്‍പ്പെടുന്നു.
Advertisement
