Advertisement
ശൂരനാട് . ശൂരനാട്ട് സ്കൂൾ വിദ്യാർത്ഥികൾ തമ്മിലുള്ള തെരുവ് യുദ്ധം പതിവാകുന്നു.ശൂരനാട് ഗവ.ഹയർ സെക്കന്ററി സ്കൂളിലെ വിദ്യാർത്ഥികൾ തമ്മിലാണ് ചേരിതിരിഞ്ഞ് ഏറ്റുമുട്ടുന്നത്.പത്താം ക്ലാസ് വിദ്യാർത്ഥികളും ഹയർ സെക്കന്ററി വിദ്യാത്ഥികളും തമ്മിലാണ് അടിപിടി നടക്കുന്നത്.സ്കൂളിനകത്ത് ഉണ്ടാകുന്ന പ്രശ്നങ്ങളാണ് പുറത്ത് എത്തുമ്പോൾ തെരുവ് യുദ്ധമായി മാറുന്നത്.ജംഗ്ഷനിലെ വ്യാപാരികളും നാട്ടുകാരും പ്രശ്നത്തിൽ ഇടപെടാറുണ്ടെങ്കിലും അടിപിടി നടത്തുന്നതിൽ നിന്നും കുട്ടികൾ പിന്മാറില്ല.
സ്കൂൾ അധികൃതരും പ്രശ്നത്തിൽ ഇടപെടാറില്ലെന്ന് നാട്ടുകാർ പറയുന്നു.അതിനിടെ കഴിഞ്ഞ
ചൊവ്വാഴ്ച മുതൽ ആരംഭിച്ച കൂട്ടത്തല്ല് ഇന്നും തുടർന്നതോടെ ശൂരനാട് പൊലീസ് സ്ഥലത്തെത്തിയെങ്കിലും സംഘർഷത്തിൽ ഏർപ്പെട്ടിരുന്ന വിദ്യാർത്ഥികൾ പല വഴിക്കായി ഓടി രക്ഷപ്പെട്ടു.
Advertisement
