കരുനാഗപ്പള്ളി. കോഴികൊത്തിയത് ചോദിച്ചത് കുത്തിലെത്തി ആള്‍അകത്തായി. അയണിവേലി ക്കുളങ്ങര കോഴിക്കോട് ജയ വിലാസത്തിൽ ഉണ്ണി എന്ന ജയേഷ്(38) ആണ് കരുനാഗപ്പള്ളി പോലീസിന്റെ പിടിയിലായത്. ഇയാളുടെ കോഴികൾ അയല്‍വാസിയുടെ കൃഷി നശിപ്പിച്ചതുമായി ബന്ധപ്പെട്ട് ഇവർ തമ്മിൽ തർക്കം ഉണ്ടായിരുന്നു. ഈ വിരോധത്തിൽ ഡിസംബർ മാസം 12ന് രാത്രി ഇയാൾ അയലത്തെ സ്ത്രീയുടെ വീടിന് മുന്നിലെത്തി ചീത്ത വിളിച്ചു. ഇതു കേട്ട് ഇറങ്ങി ചെന്ന ഭർത്താവി നേയും മകനേയും ഇയാൾ മർദ്ദിക്കുകയും കുത്തി പരിക്കേൽപ്പിക്കുകയുമായിരു ന്നു. സ്ത്രീയുടെ പരാതിയിൽ കേസ് രജിസ്റ്റർ ചെയ്ത്‌ അന്വേഷണം നടത്തി വന്ന കരുനാഗപ്പള്ളി പോലീസ് പ്രതിയെ കഴിഞ്ഞ ദിവസം കായംകുളം കറ്റാനത്ത് നിന്നും അറസ്റ്റ് ചെയ്യുകയായിരുന്നു. കരുനാഗപ്പള്ളി ഇൻസ്പെക്ടർ മോഹിത്തിന്റെ നേതൃത്വത്തിൽ എസ്.ഐ മാരായ ഷമീർ ഷിജു, ഷാജിമോൻ, എസ്.സിപിഓ മാരായ ഹാഷിം, രാജീവ്, സി.പി.ഓ അനിതാ എന്നിവരുൾപ്പെട്ട സംഘമാണ് പ്രതിയെ കണ്ടെത്തി അറസ്റ്റ് ചെയ്തത്.
