Advertisement
പത്തനാപുരം. കെഎസ്ആർടിസി ഡിപ്പോയിൽ വിജിലൻസ് സ്‌ക്വാഡ് നടത്തിയ പരിശോധനയിൽ രണ്ട് ഡ്രൈവർമാർ മദ്യപിച്ചിരുന്നതായി കണ്ടെത്തി. പരിശോധന നടക്കുന്ന വിവരം അറിഞ്ഞ് ഇരുപതഞ്ചോളം ജീവനക്കാർ അവധിയെടുത്തു.
ഇതോടെ കൊല്ലം, കൊട്ടാരക്കര, പുന്നല, ഏനാത്ത് തുടങ്ങിയ ഗ്രാമീണ മേഖലയടക്കം 15 സർവ്വീസുകൾ മുടങ്ങി. ജീവനക്കാർ പെട്ടെന്ന് സർവ്വീസ് മുടക്കിയത് യാത്രക്കാരെ കൊടുംചൂടിൽ വലച്ചു.
മദ്യപിച്ചതായി കണ്ടെത്തിയ ഡ്രൈവർമാർക്കെതിരെയും അകാരണമായി അവധിയെടുത്തവർക്കെതിരെയും നിയമനടപടി സ്വീകരിക്കുമെന്ന് കെഎസ്ആർടിസി അധികൃതർ അറിയിച്ചു.
പത്തനംതിട്ട വിജിലൻസ് ഇൻസ്‌പെക്ടർ ചാർജജ് ജയചന്ദ്രൻ പിള്ള ഉദ്യോഗസ്ഥരായ പ്രകാശ് ചന്ദ്രൻ, അനൂപ് എന്നിവരാണ് പരിശോധന നടത്തിയത്.
Advertisement
