Advertisement
കുന്നത്തൂർ:കുന്നത്തൂർ ഗുരുമന്ദിരം ജംഗ്ഷനിൽ നാഷണൽ പെർമിറ്റ് ലോറിയിലേക്ക് സ്കൂട്ടർ ഇടിച്ചു കയറി ഓടിച്ചയാൾക്ക് ഗുരുതര പരിക്ക്.കുന്നത്തൂർ തോട്ടത്തുംമുറി ഗീതാലയത്തിൽ വസന്തൻ (52) ആണ് പരിക്കേറ്റത്.തലയ്ക്ക് സാരമായി പരിക്കേറ്റ ആളെ ആദ്യം ശാസ്താംകോട്ടയിലെ സ്വകാര്യ ആശുപത്രിയിൽ എത്തിച്ച് പ്രഥമ ചികിത്സ നൽകിയ ശേഷം തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റി.
ഇന്ന് (ബുധൻ) രാവിലെയാണ് അപകടം നടന്നത്.മരംവെട്ട് തൊഴിലാളിയായ വസന്തൻ ജോലി സ്ഥലത്തേക്ക് പോകവേയാണ് അപകടത്തിൽപ്പെട്ടത്.ഐവിള ഭാഗത്തു നിന്നും സ്കൂട്ടറിൽ എത്തിയ വസന്തന്‍റെ കൂടെ ഉണ്ടായിരുന്ന സുഹൃത്തിനെ ഗുരുമന്ദിരം ജംഗ്ഷനിൽ ഇറക്കി കാര്യം പറഞ്ഞ് വാഹനം എടുക്കുന്നതിനിടെ പ്രധാനപാതയിലൂടെ കൊട്ടാരക്കര ഭാഗത്തേക്ക് പോകുകയായിരുന്ന ലോറിയിലേക്ക് സ്കൂട്ടർ ഇടിച്ചു കയറുകയായിരുന്നു.
Advertisement
