പന്മന.ഇരുപതാം നൂറ്റാണ്ടിൽ മാനവികതയ്ക്ക് വേണ്ടി ജീവിതം സമർപ്പിച്ച മഹാഗുരു ചട്ടമ്പിസ്വാമികളുടെ ദർശനം നാം തിരിച്ചറിയണമെന്ന് പ്രമുഖ സാംസ്കാരിക നിരൂപകൻ ഡോ. എഴുമറ്റൂർ രാജരാജവർമ. ചട്ടമ്പിസ്വാമി സമാധിശതാബ്ദിയുടെ ഭാഗമായി നടന്ന മഹാഗുരുകേരളം വിചാരസഭയിൽ പ്രഭാഷണം നടത്തുകയായിരുന്നു അദ്ദേഹം. സർവജ്ഞനായിരുന്ന മഹാഗുരു, ഒരു ലോകം ഒരു ജനത എന്ന സന്ദേശമാണ് നൽകിയെന്നും അതു മനസ്സിലാക്കി കേരളം മുന്നോട്ടുനീങ്ങണമെന്നും അദ്ദേഹം അഭിപ്രായപ്പെട്ടു.
ചട്ടമ്പിസ്വാമികളുടെ ധൈഷണിക ജീവിതം പുതുതലമുറ തിരിച്ചറിയണമെന്ന് ഉദ്ഘാടനപ്രസംഗത്തിൽ ഡോ. സുജിത് വിജയൻപിള്ള എം. എൽ എ പറഞ്ഞു.വിവിധ വിജ്ഞാനമേഖലകളിൽ കേരളത്തിന്റെ ആദിമാതൃകയായി നിലകൊള്ളുന്ന മഹാഗുരുവിന്റെ പേരിൽ ഒരു സർവകലാശാല ഉണ്ടാകാത്തത് കേരളത്തിന്‌ ലജ്ജാകരമെന്ന് ഡോ. വിളക്കുടി രാജേന്ദ്രൻ പറഞ്ഞു. വ്യാസന്റെയും ശങ്കരാചാര്യരുടെയും ആധുനിക അവതാരമായ ചട്ടമ്പിസ്വാമികൾ കേരള ത്തെ ഇരുളിൽ നിന്ന് വെളിച്ചത്തിലേയ്ക്ക് നയിച്ചു എന്ന് ഡോ. പൂജപ്പുര കൃഷ്ണൻ നായർ അഭിപ്രായപ്പെട്ടു.
