ശാസ്താംകോട്ട:കുന്നത്തൂർ താലൂക്ക് എൻഎസ്എസ് കരയോഗ യൂണിയനിൽ പ്രവർത്തിക്കുന്ന 123 കരയോഗങ്ങളുടെയും 502 വനിതാ സ്വയം സഹായ സംഘങ്ങളുടെയും പ്രധാന ഭാരവാഹികളുടെ നേതൃയോഗം കുന്നത്തൂർ താലൂക്ക് യൂണിയനിലെ രജതജൂബിലി ഹാളിൽ വച്ച് ശനി, ഞായർ ദിവസങ്ങളിൽ രാവിലെയും ഉച്ചയ്ക്കുമായി നടക്കും.യൂണിയനിലെ 7 പഞ്ചായത്തുകളെ 7 മേഖലകളാക്കിയാണ് യോഗം നടത്തപ്പെടുന്നത്.സംഘടനാ പ്രവർത്തനം കാര്യക്ഷമമാക്കുന്നതിന്റെ ഭാഗമായി 2024-25 സാമ്പത്തിക വർഷം യൂണിയൻ തലത്തിൽ സംഘടിപ്പിക്കാൻ ഉദ്ദേശിക്കുന്ന വിവിധങ്ങളായ പരിപാടികളെ കുറിച്ച് തീരുമാനം എടുക്കുന്നതിനാണ് നേതൃയോഗം നടക്കുന്നത്.കരയോഗങ്ങളിൽ നിന്നും പ്രസിഡന്റ്‌/സെക്രട്ടറി കൂടാതെ ഓരോ സ്വയം സഹായ സംഘത്തിന്റെയും പ്രസിഡന്റ്‌,സെക്രട്ടറിമാരുമാണ് പങ്കെടുക്കേണ്ടത്.18ന് രാവിലെ 10.30ന് ശൂരനാട് വടക്ക്,പള്ളിക്കൽ എന്നീ പഞ്ചായത്തുകൾ,ഉച്ചയ്ക്ക് 2.30 മുതൽ പോരുവഴി,കുന്നത്തൂർ.19ന്
രാവിലെ 10.30 ന് പടിഞ്ഞാറേകല്ലട,ശൂരനാട് തെക്ക്, ഉച്ചയ്ക്ക് ശേഷം ശാസ്താംകോട്ട.താലൂക്ക് യൂണിയൻ പ്രസിഡന്റ്‌ വി.ആർ.കെ ബാബു അധ്യക്ഷത വഹിക്കും.
