Advertisement
കൊല്ലം: റെയില്‍വേ സ്റ്റേഷന്‍ പേ പാര്‍ക്കിങ്ങില്‍ നിന്നുള്‍പ്പെടെ ബൈക്കുകള്‍ മോഷണം പോയെന്ന പരാതിയിന്മേല്‍ ഏഴ് പേര്‍ കൊല്ലം ഈസ്റ്റ് പോലീസിന്റെ പിടിയിലായതായി സൂചന. കൊല്ലം സ്വദേശികളും സ്ഥിരം ബൈക്ക് മോഷ്ടാക്കളുമാണ് പിടിയിലായതെന്നാണ് വിവരം. ഇവരെ പോലീസ് ചോദ്യം ചെയ്ത് വരികയാണ്. പിടിയിലായവരില്‍ നിന്ന് മോഷ്ടിച്ച ബൈക്കുകള്‍ കണ്ടെത്താനുള്ള ശ്രമത്തിലാണ് പോലീസ്.
കഴിഞ്ഞ മാസം 30ന് ആണ് പേ പാര്‍ക്കിങ്ങില്‍ നിന്നുംമറ്റും നിരവധി ബൈക്കുകള്‍ മോഷണം പോയത്. നഗരപരിധിയില്‍ ബൈക്ക് മോഷണങ്ങള്‍ വര്‍ധിച്ചിട്ടും പാര്‍ക്കിങ് സ്ഥലങ്ങളില്‍ ഉള്‍പ്പെടെ സുരക്ഷാ സംവിധാനങ്ങള്‍ അപര്യാപ്തമാണെന്ന വിമര്‍ശനം ഉയരുന്നുണ്ട്.
Advertisement
