Advertisement
ചവറ: മത്സ്യബന്ധനത്തിനിടയില്‍ വള്ളത്തില്‍ നിന്നും കടലില്‍ വീണ മത്സ്യത്തൊഴിലാളിയുടെ മൃതദേഹം കണ്ടത്തി. നീണ്ടകര സൂര്യമംഗലത്ത് വീട്ടില്‍ സെബാസ്റ്റ്യന്റെ (റിഗണി -44) മൃതദേഹമാണ് മറൈന്‍ എന്‍ഫോഴ്‌സ്‌മെന്റ് കഴിഞ്ഞ ദിവസം ഇരവിപുരത്തിന് സമീപം കടലില്‍ നിന്നും കണ്ടെത്തിയത്.
കഴിഞ്ഞദിവസം നീണ്ടകര ലൈറ്റ് ഹൗസിന് സമീപമാണ് അപകടം നടന്നത്. പുലര്‍ച്ചെ നീണ്ടകരയില്‍ നിന്നും മറ്റു തൊഴിലാളികളുമായി സെന്റ് ജോണ്‍ എന്ന ബോട്ടില്‍ മത്സ്യബന്ധനത്തിന് പോയി കടലില്‍ വല വലിക്കുന്നതിനിടെ ബോട്ടില്‍ നിന്നും തെന്നി കടലില്‍ വീണ് കാണാതാവുകയായിരുന്നു. കോസ്റ്റ് ഗാര്‍ഡും മറ്റു ബോട്ടിലെ തൊഴിലാളികളും കടലില്‍ തിരച്ചില്‍ നടത്തിയെങ്കിലും സെബാസ്റ്റ്യനെ കണ്ടെത്താനായില്ല. നിത്യയാണ് സെബാസ്റ്റ്യന്റെ ഭാര്യ. ഒലീബിയ, ജോണ്‍ ബ്രിട്ടാസ് എന്നിവര്‍ മക്കളാണ്.
Advertisement
