കൊല്ലം. പ്രായപൂര്‍ത്തിയാകാത്ത പെണ്‍കുട്ടിയോട് ലൈംഗികാതിക്രമം നടത്തിയ പ്രതികള്‍ പോലീസ് പിടിയിലായി. ചാരുകാട്, ഭാര്‍ഗ്ഗവ മന്ദിരത്തില്‍ അമല്‍ (22), പെരുമ്പുഴ, ശാന്തി ലാല്‍ (26) എന്നിവരാണ് കിളികൊല്ലൂര്‍ പോലീസിന്റെ പിടിയിലായത്. പെണ്‍കുട്ടിയുമായി സൗഹൃദ ബന്ധം സ്ഥാപിച്ച അമല്‍ സാമൂഹ്യ മാധ്യമം വഴി പ്രണയം നടിച്ച് വശീകരിച്ചാണ് പീഡനത്തിനിരയാക്കിയത്. ഫെബ്രുവരി മാസത്തില്‍ അമല്‍ പെണ്‍കുട്ടിയെ ഇയാളുടെ ശാന്തിലാലിന്റെ സഹായത്തോടെ തട്ടികൊണ്ടുപോയി മറ്റൊരു സ്ഥലത്തെത്തിച്ച് ലൈംഗികാതിക്രമം നടത്തുകയായിരുന്നു.
പെണ്‍കുട്ടിയുടെ പരാതിയുടെ അടിസ്ഥാനത്തില്‍ കിളികൊല്ലൂര്‍ പോലീസ് കേസ് രജിസ്റ്റര്‍ ചെയ്യ്ത് പ്രതിയെ അറസ്റ്റ് ചെയ്യുകയായിരുന്നു. കിളികൊല്ലൂര്‍ പോലീസ് ഇന്‍സ്‌പെക്ടര്‍ ഷാനിഫിന്റെ നേതൃത്വത്തില്‍ എസ്.ഐമാരായ വൈശാഖ്, സന്തോഷ്‌കുമാര്‍, അനില്‍ സിപിഒ മാരായ ഷണ്‍മുഖദാസ്, പ്രശാന്ത്, സാജ്, അനിതാകുമാരി എന്നിവരടങ്ങിയ പോലീസ് സംഘമാണ് പ്രതികളെ അറസ്റ്റ് ചെയ്തത്.
