Advertisement
കൊട്ടാരക്കര:തെരുവ് നായ്ക്കളുടെ വിഹാര കേന്ദ്രമായി കൊട്ടാരക്കര റെയിൽവേ സ്റ്റേഷൻ മാറിയിട്ടും പരിഹരിക്കാൻ നടപടിയില്ലെന്ന് ആക്ഷേപം.യാത്രക്കാർക്ക് ട്രെയിൻ കയറുന്നതിനും മടങ്ങുന്നതിനും
പ്ലാറ്റ്ഫോമുകളിലേക്ക് പോകേണ്ടുന്ന ഫുഡ് ഓവർ ബ്രിഡ്ജുകളാണ് നായ്ക്കളുടെ വിശ്രമ കേന്ദ്രം.പടികളിൽ കൂട്ടമായി കിടക്കുന്ന നായ്ക്കൾക്ക് അരികിലൂടെ ഭയന്നാണ് യാത്രക്കാർ സഞ്ചരിക്കുന്നത്.മാത്രമല്ല
പ്ലാറ്റ്ഫോമുകളിലും ടിക്കറ്റ് ബുക്കിംഗ് കൗണ്ടറിലും യാത്രക്കാർ വിശ്രമിക്കുന്നിടത്തുമെല്ലാം നായ്ക്കളുടെ ശല്യം രൂക്ഷമാണ്.യാത്രക്കാരുടെ ലഗേജുകളിൽ നിന്നും ഭക്ഷണ സാധനങ്ങൾ കടിച്ചെടുത്ത് ഓടുന്നതും പതിവ് കാഴ്ചയാണ്.നായ ശല്യം നിയന്ത്രിക്കണമെന്ന ആവശ്യത്തോട് റെയിൽവേ അധികൃതർ മുഖം തിരിച്ച് നിൽക്കുകയാണെന്ന് യാത്രക്കാർ പറയുന്നു.
Advertisement
