ഓയൂര്‍: അമിതമായി ഗുളിക കഴിച്ച് ആത്മഹത്യയ്ക്ക് ശ്രമിച്ച യുവതിയായ വീട്ടമ്മയെ പോലീസ് വാതില്‍ പൊളിച്ച് ആശുപത്രിയിലെത്തിച്ചു. അമ്പലംകുന്ന് കൈതയില്‍ ഇന്നലെ ഉച്ചയോടെയായിരുന്നു സംഭവം. മൂന്ന് ദിവസം മുന്‍പാണ് ഭര്‍ത്താവ് വിദേശത്ത് നിന്നും മടങ്ങിയെത്തിയത്. കുടുംബകലഹത്തെത്തുടര്‍ന്ന് മുറിക്കുള്ളില്‍ കയറി വാതില്‍ അടച്ച യുവതി അമിതമായി ഗുളികകള്‍ കഴിക്കുകയായിരുന്നു.
ഏറെ നേരമായിട്ടും വാതില്‍ തുറക്കാതിരുന്നതിനെത്തുടര്‍ന്ന് ഭര്‍ത്താവ് പൂയപ്പള്ളി സ്റ്റേഷനിലെത്തി വിവരം അറിയിച്ചു. പൂയപ്പള്ളി സിഐ ഷാജിമോന്റെ നേതൃത്വത്തില്‍ എസ്‌ഐമാരായ രജനീഷ്, ചന്ദ്രകുമാര്‍, സിപിഒമാരായ എസ്. ഡാര്‍വിന്‍, അന്‍വര്‍, ബിനീഷ് എന്നിവരടങ്ങുന്ന പോലീസ് സംഘം സ്ഥലത്തെത്തി വാതില്‍ പൊളിച്ച് അബോധാസ്ഥയിലായിരുന്ന യുവതിയെ മീയ്യണ്ണൂരിലെ സ്വകാര്യ ആശുപത്രിയിലെത്തിച്ചു. തീവ്രപരിചരണ വിഭാഗത്തില്‍ ചികിത്സയിലാണ് യുവതി.
