ശാസ്താംകോട്ട:വാഹനാപകടത്തിൽ പരിക്കേറ്റ് ചികിത്സയിലായിരുന്ന ശാസ്താംകോട്ട പഞ്ചായത്ത് ജീവനക്കാരൻ മരിച്ചു.നൂറനാട് പണയിൽ സ്വദേശി രാജു(54)ആണ് മരിച്ചത്.കഴിഞ്ഞ് ചൊവ്വാഴ്ച വൈകിട്ട് നാലോടെ ആനയടി മൃഗാശുപത്രിക്ക് സമീപം വച്ചായിരുന്നു അപകടം.രാജു ഓടിച്ച സ്കൂട്ടർ മറിഞ്ഞാണ് അപകടം സംഭവിച്ചത്.വീഴ്ചയുടെ ആഘാതത്തിൽ ഹെൽമറ്റ് തെറിച്ച് പോകുകയും തലയ്ക്ക് ഗുരുതരമായി പരിക്കേൽക്കുകയും ചെയ്തു.ബി.പി കുറഞ്ഞതാണ് അപകടത്തിന്ണ കാരണമായതെന്നാണ് പറയപ്പെടുന്നത്.അടൂർ
ലൈഫ് ലൈൻ ഹോസ്പിറ്റലിൽ തീവ്രപരിചരണ വിഭാഗത്തിൽ ചികിത്സയിലിരിക്കെയാണ് മരണം സംഭവിച്ചത്.ദീർഘനാളായി ശൂരനാട് വടക്ക് ഗ്രാമപഞ്ചായത്തിൽ സേവനമനുഷ്ഠിച്ച ശേഷം മാസങ്ങൾക്കു മുമ്പാണ് ശാസ്താംകോട്ടയിലേക്ക് മാറിയത്.മൃതദേഹം ശാസ്താംകോട്ട,ശൂരനാട് വടക്ക് ഗ്രാമപഞ്ചായത്ത് ഓഫീസുകളിലും വവ്വാക്കാവിലെ കുടുംബ വീട്ടിലും പൊതുദർശനത്തിനു വച്ച ശേഷം നൂറനാട്ടേക്ക് കൊണ്ടുപോകും.
