Advertisement
കൊട്ടാരക്കര: തുണി ഇസ്തിരി ഇടുന്നതിനിടെ അയണ്‍ ബോക്‌സില്‍ നിന്ന് ഷോക്കേറ്റ് ഗൃഹനാഥന്‍ മരിച്ചു. വാളകം അമ്പലക്കര വാഴവിള കോയിക്കല്‍ സിലി ഭവനില്‍ സുനില്‍ എന്ന അലക്‌സാണ്ടര്‍ ലൂക്കോസ് (48) ആണ് മരിച്ചത്. വയയ്ക്കല്‍ അരോമ ആഡിറ്റോറിയത്തിലെ ജീവനക്കാരനായിരുന്നു.
ഹരിത കര്‍മ്മ സേനാംഗമായ ഭാര്യ രാജി മോള്‍ രാവിലെ ജോലിക്കും വാളകം മാര്‍ത്തോമ്മ സ്‌കൂളിലെ പത്താം ക്ലാസ് വിദ്യാര്‍ത്ഥിയായ മകന്‍ അജു അലക്‌സാണ്ടര്‍ സ്‌കൂളിലും പോയിരുന്നു. ഉച്ചക്ക് ശേഷം ഭാര്യ നിരവധി തവണ ഇദ്ദേഹത്തെ ഫോണില്‍ ബന്ധപ്പെടാന്‍ ശ്രമിച്ചുവെങ്കിലും ഫോണ്‍ എടുത്തിരുന്നില്ല. തുടര്‍ന്ന് വൈകിട്ട് 4.30 ഓടെ ഭാര്യ അയല്‍വാസിയെ വിളിച്ച് വിവരം പറഞ്ഞു. അദ്ദേഹം വീട്ടില്‍ ചെന്ന് നോക്കുമ്പോള്‍ മരിച്ച നിലയില്‍ കിടക്കുന്നതാണ് കണ്ടത്.
Advertisement
