Advertisement
കൊല്ലം: ‘കവചം’ ദുരന്തമുന്നറിയിപ്പ് സംവിധാനത്തിന്റെ ഭാഗമായി വിവിധ സ്ഥലങ്ങളില്‍ ദുരന്തനിവാരണ അതോറിറ്റി സ്ഥാപിച്ചിട്ടുള്ള സൈറണുകളുടെ പ്രവര്‍ത്തനപരീക്ഷണം ഇന്ന് നടത്തും. സ്‌കൂള്‍ പ്രവര്‍ത്തിസമയം കഴിഞ്ഞ് വൈകുന്നേരം നാലു മണിക്ക് ശേഷമാണ് പ്രവര്‍ത്തനപരീക്ഷണം.
സര്‍ക്കാര്‍ ഹൈസ്‌കൂള്‍, അഴീക്കല്‍, സര്‍ക്കാര്‍ റീജിയണല്‍ ഫിഷറീസ് ടെക്നിക്കല്‍ സ്‌കൂള്‍, അയണിവേലിക്കുളങ്ങര, സര്‍ക്കാര്‍ യുപി സ്‌കൂള്‍, കുരിപ്പുഴ, സര്‍ക്കാര്‍ യുപി സ്‌കൂള്‍, വെള്ളിമണ്‍, സര്‍ക്കാര്‍ വൊക്കേഷണല്‍ ഹയര്‍ സെക്കന്ററി സ്‌കൂള്‍, വാളത്തുങ്കല്‍, സര്‍ക്കാര്‍ ഹയര്‍ സെക്കന്ററി സ്‌കൂള്‍ കുളത്തൂപ്പുഴ എന്നിവിടങ്ങളിലാണ് സൈറണുകളുള്ളത്. പരീക്ഷണസമയത്ത് ജനങ്ങള്‍ പരിഭ്രാന്തരാകേണ്ടതില്ലെന്ന് ദുരന്തനിവാരണ അതോറിറ്റി ചെയര്‍മാനായ ജില്ലാ കളക്ടര്‍ അറിയിച്ചു.
Advertisement