Advertisement
കൊല്ലം: കെഎസ്ആര്‍ടിസി ബസ് സ്‌കൂട്ടറില്‍ തട്ടിയുണ്ടായ അപകടത്തില്‍ സ്‌കൂട്ടര്‍ യാത്രികയ്ക്ക് ദാരുണാന്ത്യം. പട്ടത്താനം മൈത്രി നഗര്‍ എട്ടില്‍ വിജയമന്ദിരത്തില്‍ സ്മിത (41) ആണ് മരിച്ചത്. കെഎസ്എഫ്ഇ വടയാറ്റുകോട്ട ബ്രാഞ്ചിലെ ക്യാഷറാണ് സ്മിത.
ഇന്നലെ രാവിലെയാണ് അപകടമുണ്ടായത്. മടത്തറയില്‍ നിന്ന് കൊല്ലത്തേക്ക് വരികയായിരുന്ന കെഎസ്ആര്‍ടിസി ബസ് ചിന്നക്കട മേല്‍പ്പാലത്തില്‍ വച്ച് സ്മിത സഞ്ചരിച്ചിരുന്ന സ്‌കൂട്ടറില്‍ ഇടിക്കുകയായിരുന്നു. ഇതോടെ നിയന്ത്രണം വിട്ട സ്‌കൂട്ടറില്‍ നിന്ന് സ്മിത തെറിച്ച് ബസിന്റെ പിന്‍ചക്രങ്ങള്‍ക്കിടയിലേക്ക് വീഴുകയും സ്മിതയുടെ തലയിലൂടെ ചക്രം കയറിയിറങ്ങി തത്ക്ഷണം മരിക്കുകയുമായിരുന്നു. ഭര്‍ത്താവ്: പരേതനായ മുരളീകൃഷ്ണന്‍. മകന്‍: ശ്രീഹരി.
Advertisement
