Advertisement
കൊട്ടിയം: ടയര്‍ ഊരി തെറിച്ച് മിനിവാന്‍ ഡിവൈഡറില്‍ ഇടിച്ചു നിയന്ത്രണം വിട്ട് മറിഞ്ഞു. അപകടം ഒഴിവായത് തലനാരിഴയ്ക്ക്. ഇന്നലെ പകല്‍ പന്ത്രണ്ടരയോടെ മേവറത്തിന് സമീപമാണ് അപകടം ഉണ്ടായത്.
ഉമയനല്ലൂര്‍ ഭാഗത്ത് നിന്നും ദേശീയപാതയുടെ സര്‍വീസ് റോഡിലൂടെ മേവറം ഭാഗത്തേക്ക് വന്ന മിനിവാന്‍ ആണ് ടയര്‍ ഊരി തെറിച്ചു നിയന്ത്രണം വിട്ട് ഡിവൈഡറില്‍ ഇടിച്ചു മറിഞ്ഞത്. ഡ്രൈവര്‍ നിസാര പരിക്കുകളോടെ രക്ഷപെട്ടു. തുടര്‍ന്ന് സര്‍വീസ് റോഡിലൂടെയുള്ള ഗതാഗതം തിരിച്ചുവിട്ടു. പിന്നീട് നാട്ടുകാരും പോലീസും ചേര്‍ന്ന് വാഹനം റോഡില്‍ നിന്നും മാറ്റി ഗതാഗതം പുനഃസ്ഥാപിച്ചു.