തേവലക്കര. ബസിൽ യാത്ര ചെയ്ത യാത്രക്കാരനെ അവിശ്വസനീയമാം വിധം അപകടത്തിൽ നിന്നും രക്ഷിച്ച കണ്ടക്ടറിനെ തേവലക്കര ഗേൾസ് ഹൈസ്കൂൾ ആദരിച്ചു. സ്കൂളിലെ വിദ്യാർത്ഥിനി അനാമികയുടെ പിതാവ് കൂടിയായ ബിജിത്ത് ലാലിനെയാണ് സ്കൂൾ പി റ്റി എയുടെ നേതൃത്വത്തിൽ ആദരിച്ചത്.
ഹെഡ്മാസ്റ്റർ അഹമ്മദ്‌ നിസാറുദീൻ ഉദ്ഘാടനം ചെയ്തു. പി റ്റി എ വൈസ് പ്രസിഡന്റ്‌ ജി പ്രമോദ് അധ്യക്ഷത വഹിച്ചു. പി റ്റി എ പ്രസിഡന്റ്‌ എ സാബു ഉപഹാരം സമ്മാനിച്ചു. എം പി റ്റി എ പ്രതിനിധികളായ ദീപ സജു, ഷിജി, പ്രീത, സ്കൂൾ ലീഡർ പൂജ സജു എന്നിവരും ബിജിത്തിനെ ആദരിച്ചു. സംഭവത്തെ അധികരിച്ചു സ്കൂൾ വിദ്യാർത്ഥിനി ആയിഷ വരച്ച ചിത്രം ചടങ്ങിൽ പ്രകാശിപ്പിച്ചു. സ്റ്റാഫ്‌ സെക്രട്ടറി ഇ അനീസ് സ്വാഗതവും സീനിയർ അസിസ്റ്റന്റ് രാജലക്ഷ്മി പിള്ള നന്ദിയും പറഞ്ഞു. ചവറ – അടൂർ റൂട്ടിലോടുന്ന സുനിൽ ബസിലെ ഡ്രൈവറായ ബിജിത്ത് വാതിലിനു സമീപം യാത്ര ചെയ്ത യാത്രക്കാരൻ റോഡിലേക്ക് വീഴാൻ പോയപ്പോൾ പിടിച്ചു നിർത്തിയ ദൃശ്യങ്ങൾ വാർത്തകളിലും സാമൂഹ്യമാധ്യമങ്ങളിലും നിറഞ്ഞിരുന്നു . ഇതിനു പുറമെ ബസിൽ മറന്നു വെച്ച മൊബൈലും പൈസയും അടങ്ങിയ പഴ്സ് തിരിച്ചു കൊടുത്തും കണ്ടക്ടർ ബിജിത്ത് ശ്രദ്ധ നേടി. ദൈവത്തിന്റെ കൈ എന്ന തലവാചകത്തോടെ നിരവധി പേരാണ് ബിജിത്തിനെ അഭിനന്ദിച്ചത് സാമൂഹ്യ മാധ്യമങ്ങളിൽ രംഗത്തുവന്നത്.
