Advertisement
കൊല്ലം: 5.18 ഗ്രാം എംഡിഎംഎയുമായി യുവാവ് അറസ്റ്റില്‍. തിരുവനന്തപുരം റേഞ്ച് ഡെപ്യൂട്ടി ഇന്‍സ്പെക്ടര്‍ ജനറലിന്റെ സ്‌പെഷ്യല്‍ ഡ്രൈവിന്റെ ഭാഗമായി നടത്തിവരുന്ന പരിശോധനയുടെ ഭാഗമായി കുണ്ടറ പോലീസ് സ്റ്റേഷന്‍ പരിധിയില്‍ ആലുംമൂട് നെടുംകുറ്റിവിള വീട്ടില്‍ ഹരികൃഷ്ണനെ (27)യാണ് എംഡിഎംഎയുമായി കൊല്ലം റൂറല്‍ ഡാന്‍സാഫ് ടീമും കുണ്ടറ പോലീസും ചേര്‍ന്ന് അറസ്റ്റ് ചെയ്തത്.
പാന്റ്‌സിന്റെ പോക്കറ്റില്‍ ഒളിപ്പിച്ച നിലയിലാണ് എംഡിഎംഎ കണ്ടെടുത്തത്. മയക്കുമരുന്ന് കച്ചവടവുമായി ബന്ധപ്പെട്ട് ഇയാള്‍ നിരീക്ഷണത്തിലായിരുന്നു. ഡാന്‍സാഫ് എസ്‌ഐ ബിജു ഹക്ക്, ഉമേഷ്, സിപിഒമാരായ സജുമോന്‍, അഭിലാഷ്, ദിലീപ് തുടങ്ങിയവരുള്‍പ്പെട്ട സംഘമാണ് പ്രതിയെ അറസ്റ്റ് ചെയ്തത്.
