Advertisement
യുദ്ധവീര്യത്തിന്റെ സ്മരണയില്‍ പടവെട്ടി യോദ്ധാക്കള്‍. ചരിത്ര പ്രസിദ്ധമായ ഓച്ചിറക്കളിക്ക് തുടക്കം. ഓണാട്ടുകരയിലെ കാര്‍ത്തികപ്പള്ളി, കരുനാഗപ്പള്ളി മാവേലിക്കര താലൂക്കുകളില്‍പ്പെട്ട 52 കരകളില്‍നിന്നുള്ള നിരവധി രണവീരന്മാരാണ് പടനിലത്ത് അങ്കംവെട്ടിയത്. തലപ്പാവും പടച്ചട്ടയും അണിഞ്ഞ് കൈകളില്‍ വാളും പരിചയുമായി എത്തിയ യോദ്ധാക്കള്‍ പടനിലത്തെ യുദ്ധക്കളമാക്കിമാറ്റി. കൊച്ചുകുട്ടികള്‍മുതല്‍ മുത്തച്ഛന്‍മാര്‍വരെ ഓച്ചിറ പരബ്രഹ്മസന്നിധിയില്‍ അങ്കം കുറിച്ചു പടവെട്ടി പടനിലത്തെ രണഭൂമിയാക്കി. കെ.സി. വേണുഗോപാല്‍ എംപി ഉദ്ഘാടനം നിര്‍വഹിച്ചു. കരുനാഗപ്പള്ളി എംഎല്‍എ സി.ആര്‍. മഹേഷ് അദ്ധ്യക്ഷനായി.
Advertisement
