Advertisement
വെളിനല്ലൂര്‍ വട്ടപ്പാറ ഹസ്ബുള്ളയുടെ ഫാമില്‍ തീറ്റയില്‍ അമിതമായി പൊറോട്ട ചേര്‍ത്തത് വഴി 5 പശുക്കള്‍ക്ക് ജീവഹാനി. ഒന്‍പതണ്ണം അവശനിലയില്‍. മരിച്ചവര്‍ക്ക് നഷ്ടപരിഹാരം നല്‍കുമെന്ന് സംഭവസ്ഥലം സന്ദര്‍ശിച്ച മൃഗസംരക്ഷണ വകുപ്പ് മന്ത്രി ജെ. ചിഞ്ചു റാണി അറിയിച്ചു.
പൊറോട്ടയും ചക്കയും അമിതമായി തീറ്റയില്‍ ചേര്‍ത്തതു മൂലം വയര്‍ കമ്പനം നേരിട്ട് പൈക്കള്‍ ചാവുകയായിരുന്നു എന്ന് മൃഗസംരക്ഷണ വകുപ്പ് സ്ഥിരീകരിച്ചു.
ജില്ലാ മൃഗസംരക്ഷണ ഓഫീസര്‍ ഡോ.ഡി. ഷൈന്‍കുമാറിന്റെ നേതൃത്വത്തില്‍ വെറ്ററിനറി സര്‍ജന്‍മാരായ ജി.മനോജ്, കെ.മാലിനി, എം.ജെ.സേതുലക്ഷ്മി എന്നിവരടക്കുന്ന എമര്‍ജന്‍സി റെസ്‌പോണ്‍സ് ടീമാണ് ചത്ത പശുക്കളുടെ പോസ്റ്റുമോര്‍ട്ടവും അവശനിലയിലായ പശുക്കളുടെ ചികിത്സയും നിര്‍വഹിച്ചത്.
Advertisement
