Advertisement
കൊട്ടാരക്കര: കൊല്ലം ജില്ലാ റൂറല്‍ പോലീസ് കേന്ദ്രത്തിന് അന്താരാഷ്ട്ര സേവന നിലവാരമായ ഐഎസ്ഒ സര്‍ട്ടിഫിക്കേഷന്‍. പൊതു ജനങ്ങള്‍ക്ക് ലഭിക്കുന്ന ഏറ്റവും മികച്ച സേവനങ്ങള്‍ മുന്‍ നിര്‍ത്തിയാണ് ഐഎസ്ഒ സര്‍ട്ടിഫിക്കേഷന്‍ ലഭിക്കുന്നത്. ഫലപ്രദമായ രീതിയില്‍ കുറ്റകൃത്യം തടയുന്നതിനുള്ള പ്രവര്‍ത്തനങ്ങളും കുറ്റാന്വേഷണം നടത്തി ക്രമസമാധാന പാലനത്തിലൂടെ സമാധാനം ഉറപ്പു വരുത്തലാണ് ഇതില്‍ ഏറ്റവും പ്രധാനം. നാളെ രാവിലെ 10.30ന് കൊട്ടാരക്കരയില്‍ റൂറല്‍ പോലീസ് ആസ്ഥാനത്ത് നടക്കുന്ന ചടങ്ങില്‍ ഐഎസ്ഒ ഡയറക്ടര്‍ എന്‍. ശ്രീകുമാറില്‍ നിന്നും റൂറല്‍ പോലീസ് മേധാവി സാബു മാത്യു.കെ.എം. ഐഎസ്ഒ സര്‍ട്ടിഫിക്കേഷന്‍ സ്വീകരിക്കും. ചടങ്ങില്‍ റൂറല്‍ ജില്ലാ അഡീഷല്‍ എസ്പി, വിവിധ ഡിവൈഎസ്പിമാര്‍, എസ്എച്ച്ഒ, പോലീസ് ഉദ്യോഗസ്ഥര്‍ എന്നിവര്‍ പങ്കെടുക്കും.
