കുന്നത്തൂർ:മോട്ടോർ വാഹന വകുപ്പ് എൻഫോഴ്സ്മെന്റ് അധികൃതർക്ക് പറ്റിയ പിശകിൽ പിഴ അടയ്ക്കാൻ യുവാവിന് നോട്ടീസ്.കുന്നത്തൂർ കിഴക്ക് ഗോവിന്ദമംഗലം വീട്ടിൽ അമലിനാണ് 30 ദിവസത്തിനകം പിഴ അടയ്ക്കമെന്ന് കാട്ടി നോട്ടീസ് ലഭിച്ചത്.കൊട്ടാരക്കര
എൻഫോഴ്സ്മെന്റ് വിഭാഗമാണ് നോട്ടീസ് അയച്ചത്.അമലിന്റെ ഉടമസ്ഥതയിൽ കെ.എൽ 61എഫ് 4103 എന്ന ഇരുചക്ര വാഹനത്തിന്റെ പിറകിലിരുന്ന് യാത്ര ചെയ്തയാൾ ഹെൽമറ്റ് ധരിച്ചിട്ടില്ലായെന്ന് കാട്ടിയാണ് നോട്ടീസ് അയച്ചിരിക്കുന്നത്.കഴിഞ്ഞ മാസം 7ന് പോരുവഴിയിൽ വച്ചാണ് നിയമലംഘനം എൻഫോഴ്സ്മെന്റിന്റെശ്രദ്ധയിൽപ്പെട്ടത്.നോട്ടീസിൽ കാണിച്ചിട്ടുള്ള ചിത്രത്തിൽ ആക്ടീവ
മോഡൽ സ്കൂട്ടറിൽ രണ്ട് സ്ത്രീകളാണ് സഞ്ചരിക്കുന്നത്.എന്നാൽ ഇതേ നമ്പരിൽ അമലിന് സുസുകി ജിക്സർ ബൈക്കാണ് ഉള്ളത്.ഇതാകട്ടെ ഒരു വർഷം മുമ്പ് അപകടത്തിൽപ്പെട്ടതിനെ തുടർന്ന് കൊട്ടാരക്കരയിലെ ഷോറൂമലുമാണ്.ചിത്രങ്ങൾ സഹിതം അമൽ സംസ്ഥാന എൻഫോഴ്സ്മെന്റ് അധികൃതർക്ക് പരാതി നൽകിയിട്ടുണ്ട്.
