ഓച്ചിറ: എക്‌സൈസ് വകുപ്പും ആരോഗ്യ വകുപ്പും ചേര്‍ന്ന് ഓച്ചിറയില്‍ സ്‌കൂള്‍ പരിസരത്തെ കടകളില്‍ പരിശോധന നടത്തി. സ്‌കൂള്‍ അധ്യയനവര്‍ഷം ആരംഭിച്ചതോടെ സ്‌കൂള്‍ പരിസരത്തെ കടകളില്‍ ലഹരി കലര്‍ന്നതുമായ മിഠായികള്‍, പുകയില ഉത്പന്നങ്ങള്‍ എന്നിവ വില്‍ക്കുന്നുണ്ടോയെന്ന് കണ്ടെത്തുന്നതിനായാണ് പരിശോധന നടത്തിയത്. കരുനാഗപ്പള്ളി എക്‌സൈസ് ഇന്‍സ്‌പെക്ടര്‍ ടോണി.എസ്. ഐസക്, അസിസ്റ്റന്റ് എക്‌സൈസ് ഇന്‍സ്‌പെക്ടര്‍ (ഗ്രേഡ്) എബിമോന്‍.കെ. വി, സിവില്‍ എക്‌സൈസ് ഓഫീസര്‍മാരായ എസ്. അനില്‍കുമാര്‍, എസ്.അന്‍ഷാദ്, മന്‍സൂര്‍, ഹെല്‍ത്ത് ഇന്‍സ്‌പെക്ടര്‍മാരായ മഹേഷ്.ടി. ആര്‍. തുടങ്ങിയവര്‍ പങ്കെടുത്തു. സ്‌കൂളുകളുടെ പരിസരത്ത് പുകയില ഉല്‍പ്പന്നങ്ങള്‍
പാന്‍മസാല എന്നിവ വില്പന നടത്തുന്ന സ്ഥാപനങ്ങളെ സംബന്ധിച്ച് 04762631771, 9400069443 എന്നീ നമ്പറുകളില്‍ വിവരം അറിയിക്കണമെന്ന് എക്‌സൈസ് സര്‍ക്കിള്‍ ഇന്‍സ്‌പെക്ടര്‍ അറിയിച്ചു.
