ശാസ്താംകോട്ട : കേരള വനം വന്യജീവി വകുപ്പിൻ്റെ ഈ വർഷത്തെ വനമഹോത്സവം 2024 ന്റെ
ജില്ലാതല ഉദ്ഘാടനം രാജഗിരി ബ്രൂക്ക് ഇൻ്റർനാഷണൽ സ്കൂളിൽ നടന്നു. വനസമ്പത്ത് വളർത്തുന്നതിനുമാത്രമല്ല നാം അറിഞ്ഞൊ അറിയാതെയോ നഷ്ടപ്പെടുത്തുന്ന വനസമ്പത്തിന്റെ പ്രാധാന്യം ഓർമ്മിപ്പിക്കുകയും ചെയ്തുകൊണ്ട് കൊല്ലം ജില്ലാ പഞ്ചായത്ത് പ്രസിഡന്റ് ഡോ. പി. കെ. ഗോപൻ വനമഹോത്സവത്തിൻ്റെ ഓദ്യോഗിക ഉദ്ഘാടനം നിർവ്വഹിച്ചു..പരിസ്ഥിതി ദിനത്തിൽ കുട്ടികൾക്കായി നൽകിയ വിത്തുകളുടെ വളർച്ചയും പരിപാലനവും ബ്രൂക്കിലെ കുട്ടികൾ സദസ്സിനായി എ. ഐ. സാങ്കേതികതയുടെ കൂടെ സഹായത്തോടെ പ്രദര്‍ശിപ്പിച്ചപ്പോൾ അതേവർക്കും നവ്യാനുഭമായി.ബ്രൂക്ക് ഡയറക്ടർ റവ. ഫാദർ ഡോ. ജി. എബ്രഹാം തലോത്തിൽ,വാർഡ് മെമ്പർ പ്രകാശിനി, സെക്ഷൻ ഫോറെസ്റ്റ് ഓഫീസർ എൻ.എ. നിയാസ്, പ്രിൻസിപ്പൽ ബോണിഫെസിയ വിൻസെൻ്റ്, പി. റ്റി. എ. പ്രസിഡൻ്റ് ആർ. ഗിരികുമാർ എന്നിവർ ആശസകൾ നേർന്നു.അസ്സി. ഫോറസ്റ്റ് കൺസർവേറ്റർ . കോശി ജോൺ സ്വാഗതവും റേഞ്ച് ഫോറസ്റ്റ് ഓഫീസർ എ. കെ. രാമചന്ദ്രൻ ചടങ്ങുകൾക്ക് നന്ദിയും രേഖപ്പെടുത്തി.
