ശാസ്താംകോട്ട:ശൂരനാട് തെക്ക് ഇരവിച്ചിറയിൽ 300 വർഷത്തിലധികം പഴക്കമുള്ള കളരി തീപിടുത്തത്തിൽ കത്തിയമർന്നു.ഇരവിച്ചിറ നടുവിൽ പനംപ്ലാവിൽ കളരിക്കാണ് കഴിഞ്ഞ രാത്രിയിൽ തീപിടിച്ചത്.തീപിടിച്ച് ഓടുകൾ പൊട്ടിത്തെറിക്കുന്ന ശബ്ദം കേട്ടാണ് സമീപവാസികൾ വിവരം അറിഞ്ഞത്. നാട്ടുകാരുടെ നേതൃത്വത്തിൽ തീയണക്കാൻ ശ്രമം നടത്തിയെങ്കിലും വിജയിച്ചില്ല.തുടർന്ന് ശാസ്താംകോട്ട ഫയർഫോഴ്സിൽ വിവരം അറിയിച്ചതിനെ തുടർന്ന് എത്തിയ രണ്ട് യൂണിറ്റ് ഫയർഫോഴ്സിന്റെ നേതൃത്വത്തിലാണ് തീ നിയന്ത്രണ വിധേയമാക്കിയത്.ഷോർട്ട് സർക്യൂട്ട് ആകാം തീപിടുത്തത്തിന് കാരണമെന്ന് ഫയർഫോഴ്സ് അധികൃതർ അറിയിച്ചു.
ശാസ്താംകോട്ട ഫയർ സ്റ്റേഷൻ ഓഫീസർ പ്രസന്നൻ പിള്ളയുടെ നേതൃത്വത്തിലുള്ള ഫയർഫോഴ്സ് സംഘമാണ് തീ നിയന്ത്രണ വിധേയമാക്കിയത്.ഗ്രേഡ് സീനിയർ ഫയർ ആൻഡ് റെസ്ക്യൂ ഓഫീസർ ഷിനു,ഷാനവാസ്,ജയപ്രകാശ്, ഫയർ ആൻഡ് റെസ്ക്യൂ ഓഫീസർമാരായ മനോജ്,രാജേഷ് ആർ,സണ്ണി,ഹോം ഗാർഡ് ശിവപ്രസാദ്,പ്രദീപ് എന്നിവ അടങ്ങിയ സംഘമാണ് രക്ഷാപ്രവർത്തനം നടത്തിയത്.
