Advertisement
കൊല്ലം: തെങ്ങുകയറ്റ തൊഴിലാളി തെങ്ങില്‍ നിന്നും ഓല വെട്ടുന്നതിനിടെ വീണ് മരിച്ചു. ശക്തികുളങ്ങര തലയ്ക്കോട് പടിഞ്ഞാറ്റതില്‍ രാജന്‍ (68) ആണ് മരിച്ചത്. ഇന്നലെ രാവിലെ 10.45ഓടെയായിരുന്നു സംഭവം. സ്വകാര്യ വ്യക്തിയുടെ പുരയിടത്തിലെ തെങ്ങില്‍ നിന്നും ഓല വെട്ടുന്നതിനിടെ താഴേക്ക് വീഴുകയായിരുന്നു.
സമീപത്തെ വൈദ്യുതി ലൈനില്‍ തട്ടി വൈദ്യുതാഘാതമേറ്റ് വീഴുകയായിരുന്നുവെന്ന് സംശയമുണ്ട്. പോസ്റ്റ്മോര്‍ട്ടം റിപ്പോര്‍ട്ട് വന്നാലെ ഇത് സ്ഥിരീകരിക്കാനാവുകയുള്ളുവെന്ന് ശക്തികുളങ്ങര പോലീസ് അറിയിച്ചു. ഉടന്‍ തന്നെ ആശ്രാമം ഇഎസ്‌ഐ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം ജില്ലാ ആശുപത്രി മോര്‍ച്ചറിയിലേക്ക് മാറ്റി. ഭാര്യ: ലക്ഷ്മികുട്ടി. മക്കള്‍: മുരുകന്‍, മണികണ്ഠന്‍, മിനി.