കരുനാഗപ്പള്ളി .ബോയ്സ് ഹയർ സെക്കൻ്ററി സ്കൂളിൽ വായന വാരത്തിൻ്റെ ഭാഗമായി അക്ഷരായനം പരിപാടി സംഘടിപ്പിച്ചു
സമ്മേളനം കേരള സാക്ഷരതാ മിഷൻ ഡയറക്ടർ പ്രൊഫ: എ ജി ഒലീന ഉദ്ഘാടനം ചെയ്തു.പരിപാടിയുടെ ഭാഗമായി
സാഹിത്യ ചരിത്ര ഗവേഷകൻ ഡോ.വളളിക്കാവ് മോഹൻ ദാസിനെ ആദരിക്കലും അദ്ദേഹത്തിൻ്റെ പുസ്തകങ്ങളുടെ പ്രദർശനവും സംഘടിപ്പിച്ചു.പുസ്തകപ്രദർശനം ജില്ലാ ലൈബ്രറി കൗൺസിൽ എക്സികുട്ടീവ് അംഗം വി പി ജയപ്രകാശ് മേനോൻ ഉദ്ഘാടനം ചെയ്തു.
നവോത്ഥാന നായകൻ സി എസ് സുബ്രഹ്മണ്യൻ പോറ്റി,ഡോ: വേലുക്കുട്ടി അരയൻ തുടങ്ങിയവരുടെ ജീവചരിത്ര കതികൾ ഉൾപ്പെടെ വള്ളിക്കാവ് മോഹൻ ദാസ് എഴുതിയ 55 ഓളം കൃതികളുടെ പ്രദർശനം നടന്നു.
സി എസ് നവോത്ഥാന വിപ്ലവകാരി എന്ന കൃതിയെ ആസ്പദമാക്കി സിഎസ്;ജീവചരിത്ര വായന എന്ന സംവാദത്തിന് ഡോ.വള്ളിക്കാവ് മോഹൻ ദാസ് നേതൃത്വം നല്കി.
ദേശചരിത്രകാരൻ വള്ളിക്കാവ് മേഹൻദാസിനുള്ള സ്കൂൾ വായന കൂട്ടത്തിൻ്റെ ഉപഹാരം സ്കൂൾ മാനേജർ ശ്രീലത ടീച്ചർ കൈമാറി.മുൻ ചിത്രകലാ അദ്ധ്യാപകൻ രാജേന്ദ്രൻ സാറിൻ്റെ കുടുംബാംഗങ്ങൾ സ്കൂൾ ലൈബ്രറിക്ക് കൈമാറിയ പതിനായിരം രൂപയുടെ പുസ്തകങ്ങൾ മകൾ ജീദിയിൽ നിന്ന് ജെ പി ജയലാൽ സ്വീകരിച്ചു.സാഹിത്യ ക്വിസിൽ വിജയികളായ വിദ്യാർത്ഥികൾക്ക് ഉപഹാരങ്ങൾ നല്കി
പി റ്റി എ പ്രസിഡൻ്റ് ക്ലാപ്പന സുരേഷ് അദ്ധ്യക്ഷനായിരുന്നു. ഹെഡ്മിസ്ട്രസ് സരിത റ്റി സ്വാഗതവും കെ പി അനിതകുമാരി നന്ദിയും അറിയിച്ചു
