Advertisement
കൊല്ലം: റോഡരികിലും നടപ്പാതകള്‍ കയ്യേറിയുമുള്ള അനധികൃത നിര്‍മാണ പ്രവര്‍ത്തനങ്ങള്‍ക്ക് എതിരെ കര്‍ശന നടപടി സ്വീകരിക്കുമെന്ന് ജില്ലാ കളക്ടര്‍ എന്‍. ദേവിദാസ്. ചേംബറില്‍ ചേര്‍ന്ന റോഡ് സുരക്ഷാ യോഗത്തിലാണ് മുന്നറിയിപ്പ്. കുടിവെള്ള പൈപ്പ് ലൈനിട്ട റോഡുകളിലെ അറ്റകുറ്റപണികള്‍ ത്വരിതപ്പെടുത്തണമെന്നും കരിക്കോട് ജങ്ഷനില്‍ അനുമതിയില്ലാതെ പ്രവര്‍ത്തിക്കുന്ന ഓട്ടോ സ്റ്റാന്‍ഡ് മാറ്റാന്‍ കോര്‍പറേഷന്‍ നടപടി സ്വീകരിക്കണമെന്നും അദ്ദേഹം പറഞ്ഞു.
തീരദേശ റോഡുകളില്‍ മതിയായ മാര്‍ക്കിങ്ങുകളും അപകടസൂചന ബോര്‍ഡുകളും സ്ഥാപിക്കും. വിദ്യാഭ്യാസ സ്ഥാപനങ്ങളുടെ പരിസരത്തെ റോഡുകളുടെ അറ്റകുറ്റപ്പണിക്ക് ചുമതലയുള്ളവര്‍ പ്രഥമപരിഗണന നല്‍കണമെന്നും നിര്‍ദേശിച്ചു.
Advertisement