കൊല്ലം: പ്രായ പൂര്‍ത്തിയാകാത്ത ആണ്‍കുട്ടിയോട് ലൈംഗികാതിക്രമം നടത്തിയ പ്രതി പോലീസിന്റെ പിടിയിലായി. ചവറ, മുകുന്ദപുരം, പനക്കല്‍ കിഴക്കതില്‍ വീട്ടില്‍ അബ്ദുള്‍ റഹീം (60) ആണ് ചവറ പോലീസിന്റെ പിടിയിലായത്. കുട്ടിയുമായുള്ള മുന്‍പരിചയം മുതലെടുത്ത ഇയാള്‍, കഴിഞ്ഞ മാസം 29ന് ചവറ കൊട്ടുകാട് ഇയാള്‍ നടത്തി വരുന്ന ബാര്‍ബര്‍ ഷോപ്പില്‍ എത്തിയ കുട്ടിയെ ലൈംഗികമായി ഉപദ്രവിക്കുകയായിരുന്നു.
മുടി മുറിച്ച ശേഷം തിരികെ പോകാന്‍ ശ്രമിച്ച കുട്ടിയെ ഇയാള്‍ ഭീഷണിപ്പെടുത്തി തടഞ്ഞ് നിര്‍ത്തിയ ശേഷം സ്വകാര്യ ഭാഗങ്ങളില്‍ സ്പര്‍ശിക്കുകയും ലൈംഗികമായി ഉപദ്രവിക്കുകയും ചെയ്തു. കുട്ടിയുടെ പരാതിയില്‍ കേസ് രജിസ്റ്റര്‍ ചെയ്യ്ത് അന്വേഷണം നടത്തിയ ചവറ പോലീസ് പ്രതിയെ കണ്ടെത്തി അറസ്റ്റ് ചെയ്യുകയായിരുന്നു. ചവറ പോലീസ് ഇന്‍സ്‌പെക്ടര്‍ അജീഷ് വി.എസിന്റെ നേതൃത്വത്തില്‍ എസ്‌ഐമാരായ ഓമനക്കുട്ടന്‍ നായര്‍, സായ്ഗണേശ്, എസ്‌സിപിഒ മനീഷ് തുടങ്ങിയവരടങ്ങിയ പോലീസ് സംഘ
മാണ് പ്രതിയെ അറസ്റ്റ് ചെയ്തത്.
