ശാസ്താംകോട്ട: ഒരാഴ്ച മുമ്പ് നിരവധി കടകളിൽ മോഷണം നടന്ന കാരാളിമുക്ക് ടൗണില്‍ വീണ്ടും മോഷണം.ബുധൻ പുലർച്ചെയാണ് മോഷണം നടന്നത്.കാരാളിമുക്ക് മുസ്ലീം ജമാഅത്ത് പള്ളിയുടെ മുന്നിലുള്ള വഞ്ചി തകർത്ത് പണം അപഹരിച്ചു.10 ദിവസത്തെ നേർച്ച പണമാണ് വഞ്ചിയിൽ ഉണ്ടായിരുന്നത്.കാരാളിമുക്ക് പാലത്തിന് സമീപം ശാസ്താംകോട്ട റെയിൽവേ സ്റ്റേഷൻ റോഡിനോട് ചേർന്നുള്ള ഇബ്രാഹിം കുട്ടിയുടെ പെട്ടിക്കട കുത്തി തുറന്ന് സാധനങ്ങൾ മുഴുവനും പണവും അപഹരിച്ചു.
ശാസ്താംകോട്ട സി.ഐയുടെ നേതൃത്വത്തിൽ പൊലീസ് സ്ഥലത്ത് എത്തി അന്വഷണം ആരംഭിച്ചു.
കഴിഞ്ഞ മാസം 28ന് പുലർച്ചെ രണ്ടോടെ കാരാളിമുക്ക് ജംഗ്ഷനിലെ മുല്ലമംഗലം സ്റ്റോഴ്സ്,ടെക്സറ്റയിൽസ് വഴിയോരക്കട,ഫ്രണ്ട്സ് റെസ്റ്റോറന്റ്, ഭാരത് ബേക്കറി എന്നീ കടകളിലാണ് മോഷ്ടാവ് കയറിയത്.രണ്ട് ലക്ഷം രൂപയും നിരവധി സാധനങ്ങളും വസ്ത്രവും കവർന്നു.അടിവസ്ത്രം മാത്രം ധരിച്ച മോഷ്ടാവ് കടക്കുള്ളിൽ സാധനങ്ങളും പണവും തിരയുന്നതും മോഷണത്തിന് മുൻപ് റോഡിൽ നടക്കുന്നതും സി.സി.റ്റി വി യിൽ പതിഞ്ഞിരുന്നു.ശുരനാട് വടക്ക് സ്വദേശിയും ഇപ്പോൾ വയനാട്ടിൽ സ്ഥിര താമസക്കാരനുമായ കുപ്രസിദ്ധ മോഷ്ടാവാണ് കവർച്ച നടത്തിയതെന്ന് നിരീക്ഷണ ക്യാമറയിൽ പതിഞ്ഞ ചിത്രത്തിൽ നിന്ന് വ്യക്തമയിരുന്നങ്കിലും ഇനിയും പ്രതിയെ പിടികൂടാൻ പൊലീസിന് കഴിഞ്ഞിട്ടില്ല.
.
