Advertisement
കൊട്ടിയം: സ്വകാര്യ ബസില്‍നിന്ന് വയോധികയുടെ മാല മോഷ്ടിച്ച യുവതിയെ പോലീസ് അറസ്റ്റ് ചെയ്തു. തമിഴ്‌നാട് സ്വദേശിനി മീനാക്ഷി (35)യെയാണ് കണ്ണനല്ലൂര്‍ ബസ്സ്റ്റാന്‍ഡില്‍വെച്ച് നാട്ടുകാരുടെ സഹായത്തോടെ പോലീസ് പിടികൂടിയത്. കൊട്ടിയത്ത്‌നിന്നും കണ്ണനല്ലൂരിലേക്ക് പോകുകയായിരുന്ന തൃക്കോവില്‍വട്ടം കിഴവൂര്‍ സ്വദേശിനി സബീനാബീവിയുടെ (63) മാലയാണ് യുവതി മോഷ്ടിച്ചത്. മോഷണം ശ്രദ്ധയില്‍പെട്ട യാത്രക്കാര്‍ യുവതിയെ തടഞ്ഞുവെച്ച് പോലീസില്‍ വിവരമറിയിക്കുകയായിരുന്നു. യുവതി ഒളിപ്പിച്ച ഒന്നര പവന്‍ തൂക്കംവരുന്ന മാല പോലീസ് കണ്ടെത്തി. ഇവര്‍ക്കെതിരെ മറ്റ് സ്റ്റേഷനുകളില്‍ കേസുകളുണ്ടോയെന്ന് അന്വേഷിക്കുമെന്ന് കണ്ണനല്ലൂര്‍ എസ്എച്ച്ഒ അറിയിച്ചു. കൊട്ടാരക്കര കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.
Advertisement
