പുനലൂർ :30 കിലോഗ്രാം കഞ്ചാവുമായി 2 പേരെ കൊല്ലം റൂറൽ ഡാൻസാഫ് ടീമും പുനലൂർ പോലീസും ചേർന്നാണ് അറസ്റ്റ് ചെയ്തത്. വെട്ടുതിട്ട കുര്യോട്ടുമലയിൽ അഞ്ജന ഭവനിൽ വിഷ്ണു എന്നു വിളിക്കുന്ന അജിത് (24) ചെമ്മന്തൂർ ഫൈസൽ മൻസിലിൽ ജെസ്സിൽ (22)എന്നിവരെയാണ് കൊല്ലം റൂറൽ എസ്.പി സാബു മാത്യുവിന് കിട്ടിയ രഹസ്യ വിവരത്തിന്റെ അടിസ്ഥാനത്തിൽ അറസ്റ്റ് ചെയ്തത്. പ്രതികൾ ആന്ധ്ര, ഒറീസ്സ തുടങ്ങിയ അന്യ സംസ്ഥാനങ്ങളിൽ നിന്നു വൻ തോതിൽ കഞ്ചാവ് എത്തിച്ച ജില്ലയിലെ വിദ്യാർത്ഥികൾ ഉൾപ്പെടെ ഉള്ളവർക്ക് വില്പന നടത്തുന്നതായി വിവരം ലഭിച്ചതിന്റെ അടിസ്ഥാനത്തിൽ പ്രതികൾ കൊല്ലം റൂറൽ ഡാൻസാഫ് ടീമിന്റെ നിരീക്ഷണത്തിൽ ആയിരുന്നു. ഒറീസ്സയിൽ നിന്നും എത്തിച്ച കഞ്ചാവ് പ്രതി വിഷ്ണുവിന്റെ വീട്ടിൽ വച്ചു വില്പനയ്ക്കായി വീതം വയ്ക്കുന്ന സമയത്താണ് പ്രതികൾ ഡാൻസാഫ് ടീമിൻ്റ പിടിയിലായത്. ഡാൻസാഫ് എസ്.ഐ മാരായ ദീപു , ബിജു ഹക്ക്, സജുമോൻ ,അഭിലാഷ് ,ദിലീപ്, വിപിൻ ക്‌ളീറ്റസ്, പുനലൂർ സ്റ്റേഷനിലെ എസ്.ഐ മാരായ അനീഷ്, രാജശേഖരൻ, രാജേഷ്, സി.പി.ഒ മാരായ ഗിരീഷ്, മനോജ്‌, ജയരാജ്‌, ബിനു എന്നിവർ ചേർന്നാണ് പ്രതികളെ പിടികൂടിയത്.കൂടുതൽ പ്രതികൾ ഇതിൽ ഉൾപ്പെട്ടിട്ടുണ്ടോ എന്ന് പോലീസ് അന്വേഷിച്ചു വരുന്നു.
