കൊട്ടാരക്കര. പോലീസ് അടിക്കുന്ന സാഹചര്യത്തിൽ നിന്നും പോലീസിനെ അടിക്കുന്ന അവസ്ഥയിലേക്ക് സാമൂഹ്യ സാഹചര്യം മാറിയെന്ന് മന്ത്രി ജെ ചിഞ്ചു റാണി. കൊല്ലം റൂറൽ പോലീസ് ഓഫീസേഴ്സ് അസോസിയേഷൻ ജില്ലാ സമ്മേളനത്തിൽ സംസാരിക്കുകയായിരുന്നു. രാജ്യത്തുതന്നെ മാതൃകാപരമായ പോലീസ് സംവിധാനമാണ് കേരളത്തിലുള്ളതെന്നും മന്ത്രിയുടെ പ്രശംസ. എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം നേടിയ പോലീസ് ഉദ്യോഗസ്ഥരുടെ മക്കളെ മന്ത്രി ചടങ്ങിൽ ആദരിച്ചു.
കൊല്ലം റൂറൽ പോലീസ് അസോസിയേഷൻ ഒമ്പതാം ജില്ലാ സമ്മേളനത്തിന്‍റെ ഭാഗമായ പ്രതിനിധി സമ്മേളനത്തിൽ പോലീസിനുള്ളിൽ പോലീസേനയ്ക്കുള്ളിലെ സമ്മർദ്ദത്തെക്കുറിച്ചും അതിന്റെ പരിഹാരമാർഗ്ഗങ്ങളെക്കുറിച്ചും വിശദമായ ചർച്ച നടന്നു.
റൂറൽ പോലീസ് ഓഫീസേഴ്സ് അസോസിയേഷൻ പ്രസിഡന്റ് ജയകൃഷ്ണൻ എസ് സാജു ആർ എൽ, ജില്ലാ പോലീസ് മേധാവി സാബു മാത്യു കെ എം ഐ പി എസ് തുടങ്ങിയവർ ചടങ്ങിൽ സംസാരിച്ചു.
