കരുനാഗപ്പള്ളി.ഷോക്കേറ്റ് ഇലക്ട്രിക് പോസ്റ്റിൽ കുടുങ്ങിയ കെഎസ്ഇബി ജീവനക്കാരനെ ഫയർഫോഴ്സ് രക്ഷപ്പെടുത്തി.
കരുനാഗപ്പള്ളി താജ്മഹൽ പള്ളിക്ക് സമീപം ഉച്ചയ്ക്ക് ഒരു മണിയോടെയായിരുന്നു സംഭവം. കെഎസ്ഇബി ജീവനക്കാരൻ ജോലിയിൽ ഏർപ്പെട്ടിരിക്കെ ഷോക്ക് ഏൽക്കുകയായിരുന്നു. ഏകദേശം 45 അടി ഉയരത്തിൽ ആയിരുന്നു ഇയാൾ കുടുങ്ങിയത്.വിവരമറിഞ്ഞ് സംഭവ സ്ഥലത്ത് എത്തിയ കരുനാഗപ്പള്ളി ഫയർഫോഴ്സ് ലാഡർ ഉപയോഗിച്ച് പൊള്ളലേറ്റ ഇയാളെ താഴെയിറക്കുകയും ആംബുലൻസിൽ കരുനാഗപ്പള്ളി താലൂക്ക് ആശുപത്രിയിൽ പ്രവേശിപ്പിക്കുകയും ചെയ്തു. ഫയർഫോഴ്സ് ഡ്രൈവർ മെക്കാനിക്ക് യൂ.ഷാബി ,ഫയർ ആൻഡ് റെസ്ക്യൂ ഓഫീസർ പി.വിഷ്ണു എന്നിവരാണ് വൈദ്യുതി പോസ്റ്റിൻ്റെ മുകളിൽ കയറി ഇയാളെ രക്ഷപ്പെടുത്തിയത്. ശേഷം ഇയാളെ കരുനാഗപ്പള്ളി താലൂക്ക് ആശുപത്രിയിൽ പ്രവേശിപ്പിച്ചു. അസിസ്റ്റന്റ് സ്റ്റേഷൻ ഓഫീസർ എ. അബ്ദുൽ സമദ്, ഗ്രേഡ് അസിസ്റ്റന്റ് സ്റ്റേഷൻ ഓഫീസർ എസ് വിനോദ് ,ഫയർ ആൻഡ് റെസ്ക്യൂ ഓഫീസർമാരായ എസ്. അനീഷ് ,എസ് .സച്ചു, അനില്‍ ആനന്ദ് ,ഹോം ഗാർഡ് ആർ. രഞ്ജിത്ത് എന്നിവർ രക്ഷാപ്രവർത്തനത്തിൽ പങ്കെടുത്തു.
