യുവാവിനെ മാരകായുധങ്ങളുമായി സംഘം ചേര്‍ന്ന് ആക്രമിച്ച് പരിക്കേല്‍പ്പിച്ച പ്രതികള്‍ പോലീസിന്റെ പിടിയിലായി. തൃക്കടവൂര്‍ കുരീപ്പുഴ രാഹുല്‍ നിവാസില്‍ രാഹുല്‍ (30), തൃക്കടവൂര്‍ കുരീപ്പുഴ ആക്കല്‍ വടക്കതില്‍ ബാബുക്കുട്ടന്‍ (45) എന്നിവരാണ് അഞ്ചാലുംമൂട് പോലീസിന്റെ പിടിയിലായത്.
കുരീപ്പുഴ ഇളംപ്ലാവില്‍ തെക്കതില്‍ വീട്ടില്‍ ആന്‍സില്‍(31) നെയാണ് പ്രതികള്‍ കൊലപ്പെടുത്താന്‍ ശ്രമിച്ചത്. ഇവര്‍ തമ്മില്‍ ഉണ്ടായിരുന്ന മുന്‍ വിരോധം നിമിത്തം ചൊവ്വാഴ്ച വെളുപ്പിന് 1.30യോടെ കുരീപ്പുഴ, പോസ്റ്റുംമൂട് അങ്കണവാടിക്ക് സമീപത്ത് വച്ച് അന്‍സിലിനെ പ്രതികള്‍ തടഞ്ഞ് നിര്‍ത്തി ചീത്ത വിളിക്കുകയും വാളും മറ്റ് മാരകായുധങ്ങളും ഉപയോഗിച്ച് ആക്രമിച്ച് പരിക്കേല്‍പ്പിക്കുകയുമായിരുന്നു. ആക്രമണത്തില്‍ ആന്‍സിലിന്റെ ചെവിക്ക് ആഴത്തില്‍ മുറിവേല്‍ക്കുകയും തലയിലും നടുവിനും മര്‍ദ്ദനം ഏല്‍ക്കുകയും ചെയ്തു. ആന്‍സിലിന്റെ പരാതിയുടെ അടിസ്ഥാനത്തില്‍ കേസ് രജിസ്റ്റര്‍ ചെയ്ത അഞ്ചാ
ലൂംമൂട് പോലീസ് പ്രതികളെ ഉടന്‍ പിടികൂടുകയായിരുന്നു.
