കൊല്ലം: കെഎസ്ആര്‍ടിസി ബസിലെ യാത്രക്കാരിയുടെ ബാഗ് മോഷ്ടിച്ച കേസിലെ പ്രതി പിടിയില്‍. തമിഴ്‌നാട്, തെങ്കാശി, സരോജ കോളനിയില്‍ ശാന്തി (34) ആണ് കൊല്ലം വെസ്റ്റ് പോലീസിന്റെ പിടിയിലായത്. കഴിഞ്ഞ 19ന് രാവിലെ 8ന് ശങ്കരമംഗലത്ത് നിന്നും രാമന്‍കുളങ്ങര ജംഗ്ഷനിലേക്ക് കെഎസ്ആര്‍ടിസി ബസില്‍ യാത്രചെയ്ത് വരുകയായിരുന്നു ഇന്ദുലേഖ എന്ന സ്ത്രീയുടെ ബാഗാണ് മോഷണം പോയത്. ഈ ബസ്സിലുണ്ടായിരുന്ന ശാന്തി
ഇന്ദുലേഖയുടെ ബാഗിലുണ്ടായിരുന്ന മൂന്ന് എടിഎം കാര്‍ഡും രണ്ട് ആധാര്‍ കാര്‍ഡും രണ്ട് പാന്‍ കാര്‍ഡുകളും അടങ്ങിയ പേഴ്‌സ് മോഷ്ടിച്ച് എടുക്കുകയായിരുന്നു. തുടര്‍ന്ന് എടിഎം കാര്‍ഡിന്റെ മുകളില്‍ എഴുതിയിരുന്ന പിന്‍നമ്പര്‍ ഉപയോഗിച്ച് പലയിടങ്ങളിലുള്ള എടിഎം മെഷീനില്‍ നിന്നും അമ്പത്തിമൂവായിരം രൂപ പ്രതി പിന്‍വലിച്ച് കടന്ന്കളയുകയായിരുന്നു.
പോലീസില്‍ നല്‍കിയ പരാതിയുടെ അടിസ്ഥാനത്തില്‍ കേസ് രജിസ്റ്റര്‍ ചെയ്ത് നടത്തിയ അന്വേഷണത്തില്‍ പ്രതിയെ കണ്ടെത്തി പിടികൂടുകയായിരുന്നു. കൊല്ലം വെസ്റ്റ് ഇന്‍സ്‌പെ
ക്ടര്‍ ഫയാസ്, എസ്‌ഐ അനീഷ്, എഎസ്‌ഐമാരായ ബീന, ജ്യോതി കൃഷ്ണന്‍, സൈജു, എസ്‌സിപിഒ ശ്രീലാല്‍ എന്നിവരടങ്ങിയ പോലീസ് സംഘമാണ് പ്രതിയെ അറസ്റ്റ് ചെയ്തത്.