Advertisement
ശാസ്താംകോട്ട:വേങ്ങയിൽ വയോധികനെ ദുരൂഹ സാഹചര്യത്തിൽ വീടിനുള്ളിൽ മരിച്ച നിലയിൽ കണ്ടെത്തി.ശാസ്താംകോട്ട വേങ്ങ വിഗ്നേഷ് ഭവനിൽ വിശ്വനാഥൻ പിള്ളയാണ് (71) മരിച്ചത്.ശനിയാഴ്ച രാവിലെ 11 ഓടെ ശാസ്താംകോട്ട
സ്റ്റേഷനിൽ ലഭിച്ച വിവരത്തിന്റെ അടിസ്ഥാനത്തിൽ പൊലീസ് വീട്ടിലെത്തുമ്പോൾ മുറിയിലെ കട്ടിലിൽ മരിച്ചു കിടക്കുന്ന നിലയിലാണ് കാണപ്പെട്ടത്.ഉടൻ തന്നെ ശാസ്താംകോട്ട താലൂക്കാശുപത്രിയിലെത്തിച്ച് മരണം സ്ഥിരീകരിച്ചു.രാത്രിയിൽ ആഹാരം കഴിച്ച ശേഷം ഉറങ്ങാൻ കിടന്നതായിരുന്നു.ഭാര്യ തൊട്ടടുത്ത് താമസിക്കുന്ന മകളുടെ വീട്ടിലായിരുന്നു.മകൻ വിഗ്നേഷ് മാത്രമാണ് സംഭവ സമയം വീട്ടിലുണ്ടായിരുന്നത്.മരണത്തെ കുറിച്ച് വിശദമായ അന്വേഷണം ആരംഭിച്ചതായി പൊലീസ് അറിയിച്ചു.
Advertisement
