Advertisement
കൊട്ടാരക്കര: കൊട്ടാരക്കരയിലും പരിസര പ്രദേശങ്ങളിലും വില്‍പ്പനയ്ക്കായി എത്തിച്ച കഞ്ചാവുമായി രണ്ടുപേരെ കൊട്ടാരക്കര പോലീസ് അറസ്റ്റ് ചെയ്തു. കുന്നിക്കോട് വിളക്കുടി പാപ്പാലങ്ങോട് ഷിബിനാ മന്‍സിലില്‍ ഷിഹാബ് (46), ഇഞ്ചക്കാട് മാങ്കാല തെക്കതില്‍ നോബിള്‍ (29) എന്നിവരെയാണ് 500 ഗ്രാം കഞ്ചാവുമായി പോലീസ് പിടികൂടിയത്.
പ്രതികള്‍ വാടകയ്ക്ക് താമസിച്ചുവന്നിരുന്ന കലയപുരം ഇഞ്ചക്കാട് അരിച്ചിറയിലെ വീട്ടില്‍ ഒളിപ്പിച്ച നിലയിലായിരുന്നു കഞ്ചാവ് കണ്ടെത്തിയത്. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
Advertisement
