Advertisement
കുളത്തൂപ്പുഴ: കല്ലുവെട്ടാംകുഴി ഭാഗത്ത് ബൈക്ക് യാത്രികനെ ഇടിച്ച് തെറുപ്പിച്ച് കാര്‍ നിര്‍ത്താതെ പോയ സംഭവത്തിലെ ബൈക്ക് യാത്രികനായ കുളത്തൂപ്പുഴ സ്വദേശി ഷിബിന മന്‍സിലില്‍ ഷംസുദ്ദീന്‍ (62) അന്തരിച്ചു. കഴിഞ്ഞ ദിവസം ടൗണിലെ ബേക്കറിയില്‍ ജോലിക്കായി വീട്ടില്‍ നിന്ന് ബൈക്കില്‍ വരുമ്പോള്‍ എതിര്‍ ദിശയില്‍ അമിത വേഗത്തില്‍ വന്ന കാര്‍ ഇടിച്ചു തെറുപ്പിക്കുകയായിരുന്നു.
ഇടിയുടെ ആഘാതത്തില്‍ സമീപത്തെ ഓടയില്‍ തലയിടിച്ചുവീണ ഷംസുദ്ദീനെ നാട്ടുകാര്‍ ആണ് ആശുപത്രിയില്‍ പ്രവേശിപ്പിച്ചത്. തുടര്‍ന്ന് തിരുവനന്തപുരത്തെ സ്വകാര്യ ആശുപത്രിയില്‍ ചികിത്സയില്‍ കഴിയവേ ഇന്ന് പുലര്‍ച്ചെ ആണ് മരിച്ചത്. ഭാര്യ: ഷാമില ബീവി. മക്കള്‍: ഷിബിന, സജ്‌ന.
Advertisement
